ପାଟଣା ୨୩/୦୯: କେନ୍ଦୁଝର ଜିଲ୍ଲା ଚମ୍ପୁଆ ରେଞ୍ଜକୁ ୨୨ ଟିକିଆ ହାତୀପଲ ଧସେଇ ପସିଛନ୍ତି । ବିଳମ୍ବିତ ରାତିରେ ହାତୀପଲ କରଞ୍ଜିଆ ରେଞ୍ଜରୁ ଆସି ଆଦିପୁର ନିକଟରେ ବୈତରଣୀ ନଦୀ ପାର୍ ହୋଇ ସକାଳୁ ସକାଳୁ ଚମ୍ପୁଆ ରେଞ୍ଜର ବର୍ଦ୍ଧନା ଜଙ୍ଗଲକୁ ଧସେଇ ପଶିଛନ୍ତି ।
ହାତୀପଲ ଆସିବା ବାଟରେ ବ୍ୟାପକ ଧାନ ଫସଲ ମାଡି ଚକଟି ନଷ୍ଟ କରିଛନ୍ତି । ଏବେ ହାତୀପଲ ବର୍ଦ୍ଧନା ଜଙ୍ଗଲରେ ଡେରା ପକାଇଛନ୍ତି । ଗାଁ ନିକଟରେ ହାତୀପଲ ବୁଲୁ ଥିବାରୁ ଆଖପାଖ ନନ୍ଦପୁର, ଜ୍ୟୋତିପୁର, ଝାଲିଆବେଡା, ଷଡ଼ଙ୍ଗୀ ପାରୁଡ଼ିପଶି ଗାଁର ଲୋକେ ଭୟଭୀତ ଅବସ୍ଥାରେ ରହିଛନ୍ତି ।