ପାଟଣା ୩୦/୦୮: କେନ୍ଦୁଝର ଜିଲ୍ଲା ପାଟଣା ରେଞ୍ଜରେ ୨୨ ଟିକିଆ ହାତୀପଲଙ୍କ ଉପଦ୍ରବ ଜାରି ରହିଛି । ହାତୀପଲ ଧାନ, ବୋଇତାଳୁ ଓ ମକା ଚାଷ ନଷ୍ଟ କରିଥିବା ବେଳେ ବିଳମ୍ବିତ ରାତିରେ ଧାନବେଣୀ ଗାଁର ଫକୀର ମୁଣ୍ଡା ଘର ଭାଙ୍ଗି ଦେଇଛନ୍ତି ।
ପରିବାର ଲୋକେ ଘରେ ଶୋଇଥିବା ସମୟରେ ଅଳ୍ପକେ ବର୍ତ୍ତି ଯାଇଛନ୍ତି । ଏବେ ହାତୀପଲ ରସପଡା ଗାଁ କାଜୁ ଜଙ୍ଗଲ ରେ ଡେରା ପକାଇଛନ୍ତି । ଗାଁ ନିକଟରେ ହାତୀପଲ ଥିବାରୁ ଲୋକେ ଭୟଭୀତ ଅବସ୍ଥାରେ ରହୁଛନ୍ତି । ବନ ବିଭାଗ ପକ୍ଷରୁ ହାତୀପଲଙ୍କ ଗତିପଥ ଉପରେ ନଜର ରଖାଯାଇଛି।