ଢେଙ୍କାନାଳ ୨୮/୦୧: ଢେଙ୍କାନାଳରେ ହାତୀ ଉପଦ୍ରବ କ୍ରମଶଃ ବଢ଼ିବାରେ ଲାଗିଛି । ଏପରି ସ୍ଥଳେ ହିନ୍ଦୋଳ ବନାଞ୍ଚଳର ଗ୍ରାମ ଗୁଡିକ ପାଲଟିଯାଇଛି ବଣୁଆ ହାତୀମାନଙ୍କ ଚରା ଭୂଇଁ । ରାତି ହେଲେ ଗାଁ ଗାଁରେ ପଶି ହାତୀ ମାନେ ଫସଲ ପାତି ଖାଇବା ଏକ ନିତିଦିନିଆ ଘଟଣା ହେଲାଣି ।
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହାତୀମାନେ ଘରେ ପଶି ଧାନ ଚାଉଳ ବସ୍ତା ଉଠାଇ ନେଇ ଖାଇଦେଉଥିଲେ । ଏବେ ହାତୀ ମାନେ ଘରୁ ଭାତ ଖାଇ ହାଣ୍ଡିରୁ ଭାତ ଖାଇ ଦେଉଥିବା ଜଣାପଡିଛି । ଏପରି ଅଭାନୀୟ ଦୃଶ୍ୟ ଦେଖିବାକୁ ମିଳିଛି ହିନ୍ଦୋଳ ବନାଞ୍ଚଳର ରାସୋଳ ସେକ୍ସନ ଅଂଚଳରେ । ଗତ ରାତିରେ କୁନୁଆଁ ଗାଁ ରେ ଏକ ଦନ୍ତା ପଶି ଉତ୍ପାତ କରୁଛି । ଏହି ହାତୀଟି ରୋଷେଇ ଘର ଝରକା ଭାଙ୍ଗି ଶୁଣ୍ଢ ଗଲାଇ ଭାତ ହାଣ୍ଡିରୁ ଭାତ ଖାଇବା ପାଇଁ ଉଦ୍ୟମ କରୁଥିବା ଦୃଶ୍ୟ ଦେଖିବାକୁ ମିଳିଛି ।
ହିନ୍ଦୋଳ ଉପଖଣ୍ଡର ରାସୋଳ, ଦଣ୍ଡିରି, କୁନୁଆଁ, କଦଳିପାଳ, ନବକିଶୋରପୁର ଓ ସେପଟେ ହାତୁରା ଓ ମଇଧରପୁର ଅଂଚଳ ଗୁଡିକରେ ପଲ ପଲ ହାତୀ ବୁଲୁଥିବା ଦେଖିବାକୁ ମିଳିଛି । ମାତ୍ର ବନବିଭାଗ ପକ୍ଷରୁ ହାତୀଙ୍କୁ ଆକଟ କରିବା ବା ଘଉଡାଇବାରେ ସଂପୂଣ୍ଣ ବିଫଳ ହୋଇଥିବା ଲୋକ ମାନଙ୍କ ଧନ ଜୀବନ ସୁରକ୍ଷା ନେଇ ପ୍ରଶ୍ନ ବାଚି ସୃଷ୍ଟି କରିଛି ।
