କପ୍ତିପଦା ୧୮|୧: ହାତୀ ଛୁଆ ମରିବା ପରେ ତାକୁ ପୋତିଦେଲେ । ହେଲେ ବନ ବିଭାଗ ଖବର ପାଇଲା ନାହିଁ । ଏପରି ଘଟଣା ଦେଖିବାକୁ ମିଳିଛି ମୟୂରଭଞ୍ଜ କପ୍ତିପଦା ଯାମଚୁଆ ଜଙ୍ଗଲରେ । ଗତ ସୋମବାର ଦିନ ଏହି ଜଙ୍ଗଲରେ ଏକ ହାତୀ ଛୁଆର ମୃତ୍ୟୁ ଘଟିଥିଲା । ଏ ସଂପର୍କରେ ରାଇପାଳ ବିଟ୍ ହାଉସର ଫରେଷ୍ଟର ଜାଣିବାକୁ ପାଇଥିଲେ । ତେବେ ଘଟଣାକୁ ଚପାଇ ଦେବା ପାଇଁ ସେ ସ୍ଥାନୀୟ ଗ୍ରାମବାସୀଙ୍କ ଦ୍ବାରା ସେ ମୃତ ହାତୀ ଛୁଆକୁ ପୋତି ଦେଇଥିଲେ । ଘଟଣା ଜଣାପଡ଼ିବା ପରେ ସ୍ଥାନୀୟ ଡିଏଫ୍ଓ, ଏସିଏଫ୍, ରେଞ୍ଜର ପହଞ୍ଚି ହାତୀ ଛୁଆର ମୃତଦେହକୁ ଖୋଳି ବାହାର କରିଛନ୍ତି । ଏହି ଘଟଣା ପରେ ଫରେଷ୍ଟରଙ୍କ ଉପରେ ସନ୍ଦେହ ସୃଷ୍ଟି ହୋଇଛି । କିଛିଦିନ ତଳେ ଶିମିଳିପାଳରେ ମଧ୍ୟ ଏକ ହାତୀର ମୃତ୍ୟୁ ପରେ ପ୍ରମାଣ ନଷ୍ଟ ପାଇଁ ତାକୁ ପୋଡ଼ି ଦିଆଯାଇଥିଲା ।
ଦିଲ୍ଲୀରେ ନୀତି ଆୟୋଗ ବୈଠକ, ଯୋଗ ଦେବେ ମୁଖ୍ୟମନ୍ତ୍ରୀ...
![Niti ayog meeting](https://api-news7.prameyanews7.com/prameya/document/compress/2/comp_2_175_1722047736355.webp)