ବାରିପଦା ୦୯/୦୨: ପୁଣି ଶିମିଳିପାଳରୁ ଏକ ଦନ୍ତାହାତୀର ମୃତଦେହ ଉଦ୍ଧାର କରାଯାଇଛି। ମୟୂରଭଞ୍ଜ ଜିଲ୍ଲା ଗୋପୀନାଥପୁର ବିଟ ଅଧୀନ ଜଙ୍ଗଲରେ ବୁଧବାର ପେଟ୍ରୋଲିଂ ବେଳେ ବନକର୍ମଚାରୀମାନେ ମୃତଦେହ ଦେଖିଥିଲେ। ଏହାପରେ ସେମାନେ ଉପରିସ୍ଥ ଅଧିକାରୀମାନଙ୍କୁ ଜଣାଇଥିଲେ। ଏହା ଜାଣି ବନ ବିଭାଗ ତୁରନ୍ତ ତଦନ୍ତ ଆରମ୍ଭ କରିଥିଲା।

ତେବେ ରାତି ହେବାରୁ ଗୁରୁବାର ପ୍ରାଣୀ ଚିକିତ୍ସକଙ୍କୁ ସାଙ୍ଗରେ ନେଇ ଘଟଣାସ୍ଥଳକୁ ବନ ବିଭାଗ ଟିମ ଯାଇଥିଲେ। ଶିକାରୀମାନେ ହାତୀଟିକୁ ମାରି ତାର ଶୁଣ୍ଢ କାଟି ୨ଟି ଦାନ୍ତ ନେଇଛନ୍ତି ବୋଲି ପ୍ରାଥମିକ ତଦନ୍ତରୁ ଜଣାପଡ଼ିଛି। ହାତୀଟିର ବୟସ ୭ ରୁ ୧୦ବର୍ଷ ମଧ୍ୟରେ ହେବ ବୋଲି ଅନୁମାନ କରାଯାଇଛି। ମୃତ ହାତୀକୁ ତିନି ଚାରି ଦିନ ତଳେ ଶିକାର କରଯାଇଛି। ଅରୁଣାଚଳପ୍ରଦେଶର ଶିକାରୀ ଏଥିରେ ଜଡ଼ିତ ବୋଲି ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପ କର୍ତ୍ତୃପକ୍ଷ ଜଣାଇନଛନ୍ତି।