ବଡ଼ବିଲ ୨୭/୦୨: ବଡ଼ବିଲ ରେଞ୍ଜ ରୋଇଡ଼ାରେ ହାତୀ ଉପଦ୍ରବ । ଦନ୍ତା ଅକ୍ରମଣରେ ସ୍ବାମୀ ମୃତ, ସ୍ତ୍ରୀ ଓ ଝିଅ ଗୁରୁତର ହୋଇଛନ୍ତି । ମୃତକ ରୋଇଡ଼ା ପଣସଗୁଡ଼ା ଅଞ୍ଚଳର ସମରା ମୁଣ୍ଡା । ଗୁରୁତର ଭାବେ ଆହତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି ସ୍ତ୍ରୀ ସରସ୍ବତୀ ମୁଣ୍ଡା ଓ ୮ବର୍ଷର ଝିଅ ପୁତୁଲୀ ମୁଣ୍ଡା ।

ସୋମବାର ଦିନ ୧୧ଟା ସମୟରେ ଜାଳେଣି କାଠ ସଂଗ୍ରହ ପାଇଁ ସମରା ମୁଣ୍ଡା ଓ ତାଙ୍କ ସ୍ତ୍ରୀ ଏବଂ ଝିଅ ଜଙ୍ଗଲକୁ ଯାଇଥିବା ବେଳେ ଏହି ଅଘଟଣ ଘଟିଥିଲା । ଜାଳେଣି ସଂଗ୍ରହ ବେଳେ ଦନ୍ତା ଆକ୍ରମଣର ଶିକାର ହୋଇଥିଲେ । ସମରାଙ୍କୁ ଦନ୍ତା କଚାଡ଼ି ଦେବାରୁ ତାନ୍ତର ମୃତ୍ୟୁ ହୋଇଛି । ସେହିପରି ସ୍ତ୍ରୀ ଓ ଝିଅ ଗୁରୁତର ଭାବେ ଆହତ ହୋଇଛନ୍ତି ।  ଉଭୟଙ୍କୁ ଚିକିତ୍ସା ପାଇଁ ବଡ଼ବିଲ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା କରାଯାଉଛି । ବନ ଅଧିକାରୀ ଓ ରୁଗୁଡ଼ି ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ସମରାଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛନ୍ତି ।