ଚଣ୍ଡିଖୋଲ, ୧୮|୦୮: ଯାଜପୁର ଜିଲ୍ଲା ବଡ଼ଚଣା ଥାନା ଅନ୍ତର୍ଗତ ଦର୍ପଣ ପଞ୍ଚାୟତ ଗୁଲୁଜାର ନଗର ଗାଁର ହାତୀ ଆତଙ୍କ ଦେଖିବାକୁ ମିଳିଛି । ହାତୀ ଆକ୍ରମଣରେ ଗ୍ରାମର ୩ଜଣ ଆହତ ହୋଇଛନ୍ତି ।
ସୂଚନାନୁସାରେ, ସୋମବାର ବିଳମ୍ବିତ ରାତିରେ ଗାଁକୁ ଦନ୍ତା ହାତୀ ପଶି ଆସିଥିଲେ । ସେମାନଙ୍କ ଆକ୍ରମଣରେ ଗୋଟିଏ ପରିବାରର ଜଣେ ଗୁରୁତର ହୋଇଥିବା ବେଳେ ଅନ୍ୟ ୩ ଜଣ ଆହତ ହୋଇଛନ୍ତି । ଗୁରୁତର କଲ୍ୟାଣୀ ମାଲିକଙ୍କୁ କଟକ ସ୍ଥାନାନ୍ତର କରାଯାଇଛି ।ସେହିପରି ଆହତ କମଳାକାନ୍ତ ମଲିକ୍ , ଦୁଇ ଝିଅ କଳ୍ପନା, ସାଲିନାଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି । ବାରମ୍ବାର ହାତୀ ଉପଦ୍ରବ ଲାଗି ରହି ଥିବାରୁ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି ।
