scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବିଦ୍ୟୁତ ଦୁର୍ଘଟଣା ପାଇଁ ମିଳିବ ଏତିକି କ୍ଷତି ପୂରଣ- ବିଧାନସଭାରେ ବିଜୁଳି ତାତି

18/02/2020 at 7:50 PM

ଭୁବନେଶ୍ୱର ୧୮।୦୨ – ବିଧାନସଭାରେ ବିଜୁଳି ତାତିକୁ ଦେଖି ସରକାର କ୍ଷତି ପୂରଣ ବ୍ୟବସ୍ଥା ଘୋଷଣା କରିଛନ୍ତି । ବିଦ୍ୟୁତ ତାର ଲାଗି ଦୁର୍ଘଟଣାରେ ଜୀବନ ଗଲେ ମଣିଷ ଓ ଗୃହ ପାଳିତ ପଶୁଙ୍କ ଲାଗି ଅଲଗା ଅଲଗା କ୍ଷତିପୁରଣ ରାଶି ଦିଆଯିବ । ସେପଟେ ଗଞ୍ଜାମ ଗୋଳନ୍ଥରା ବିଦ୍ୟୁତ ଦୁର୍ଘଟଣାରେ ପ୍ରସଙ୍ଗରେ ବିଧାନସଭାରେ ଆସିଥିଲା ମୁଲତବି ପ୍ରସ୍ତାବ। 

ବିଧାନସଭାରେ ବିଜୁଳି ତାତି । ବିଦ୍ୟୁତ ଦୁର୍ଘଟଣାରେ ଜଣଙ୍କ ପରେ ଜଣଙ୍କର ଜୀବନ ଯିବା ଘଟଣାକୁ ନେଇ ବିଧାନସଭାରେ ବିରୋଧୀ ସରକାରଙ୍କୁ ଘେରିଛନ୍ତି । ବିଦ୍ୟୁତ ଦୁର୍ଘଟଣା ପାଇଁ କ୍ଷତିପୁରଣ ବ୍ୟବସ୍ଥା ସଂପର୍କରେ ତଥ୍ୟ ରଖିଛନ୍ତି ସରକାର । ବିଦ୍ୟୁତ ତାର ଲାଗି ଜୀବନ ଗଲେ ୪ ଲକ୍ଷ ଟଙ୍କା, ଶରୀରର ୬୦ ପ୍ରତିଶତ ନଷ୍ଟ ହେଲେ ୨ ଲକ୍ଷ, ୪୦ରୁ ୬୦ ପ୍ରତିତ ଶରୀର ନଷ୍ଟ ହେଲେ ୫୯ ହଜାର ୧୦୦ ଟଙ୍କା ମିଳିବ କ୍ଷତିପୁରଣ ।

ଏହା ସହ ଆଘାତ ଜନିତ ଚିକିତ୍ସା ଲାଗି ଯଦି ସସ୍ତାହକରୁ ଅଧିକ ସମୟ ଲାଗିବ ସେଥିଲାଗି ୧୨ ହଜାର ଏବଂ ସପ୍ତାହରୁ କମ ସମୟ ଚିକିତ୍ସା ହେଲେ ୪ ହଜାର ୫ଶହ ସହାୟତା ଦିଆଯିବ । ସେହିପରି ଗାଈ, ମଇଁଷି,  ବିଦ୍ୟୁତ ଆଘାତରେ ପ୍ରାଣ ହରାଇଲେ ୩୦ ହଜାର, ଛେଳି,ମେଣ୍ଢା ଓ ଘୁଷୁରି ୩ ହଜାର, କୁକୁଡା ଫାର୍ମ ନଷ୍ଟ ହେଲେ ୫ ହଜାର କ୍ଷତିପୁରଣ ଦେବାକୁ ରାଜ୍ୟ ସରକାର ବିଦ୍ୟୁତ ନିୟାମକ ଆୟୋଗ ଓଇଆରସିକୁ ସୁପାରିଶ କରିଛନ୍ତି ବୋଲି  ଶକ୍ତିମନ୍ତ୍ରୀ ବିଧାନସଭାରେ ବିବୃତି ରଖିଛନ୍ତି ।

ସପଟେ ଗଞ୍ଜାମ ଗୋଲନ୍ଥରା ବିଦ୍ୟୁତ ତାର ଲାଗି ଦୁର୍ଘଟଣାରେ ୧୧ ଜଣଙ୍କ ଜୀବନ ଯିବା ଘଟଣାରେ ଆଜି ବିରୋଧୀ ଆଣିଥିଲେ ମୁଲତବି ପ୍ରସ୍ତାବ । ତେବେ ଏହି ପ୍ରସଙ୍ଗରେ ଶକ୍ତି ମନ୍ତ୍ରୀଙ୍କ ବଦଳରେ ପରିବହନ ମନ୍ତ୍ରୀ ପଦ୍ମନାଭ ବେହେରା ସରକାରଙ୍କ ପକ୍ଷରୁ ଉତ୍ତର ରଖିଥିଲେ । ଯାହାକୁ ବିରୋଧ କରି କକ୍ଷତ୍ୟାଗ କରିଥିଲେ ବିରୋଧୀ ।

ତେବେ ଗୃହରେ ଉତ୍ତର ରଖି ପରିବହନ ମନ୍ତ୍ରୀ କହିଥିଲେ ଯେ ବସ ନିର୍ଦ୍ଧାରିତ ରୁଟ୍ ରେ ନଯାଇ ସେଦିନ ମେନ୍ଦ୍ରାରାଜପୁର ଗାଁକୁ ଭଡ଼ାରେ ଯାଇଥିଲା ଯାହା ବେନିୟମ । ଏଥିପାଇଁ ବସର ପରମିଟ ରଦ୍ଦ କରାଯାଇଛି । ବସ୍‌ ଡ୍ରାଇଭର ଗିରଫ ହୋଇଥିବା ବେଳେ ତାଙ୍କ ଲାଇସେନ୍ ସ ରଦ୍ଦ କରାଯାଇଛି।  ବସ ମାଲିକଙ୍କ ବିରୋଧରେ ମଧ୍ୟ ଏତଲା ଦିଆଯାଇଛି । 

ଏହା ବାଦ ବିଜୁଳି ବିଭାଗର ଦୋଷ ଥିବା ସ୍ବୀକାର କରିଛନ୍ତି ପରିବହନ ମନ୍ତ୍ରୀ ।  ସେ କହିଛନ୍ତି ଇଲେଭେନ କେଭି ତାର ୨୦ ଫୁଟ ଉଚ୍ଚତାରେ ରହିବା କଥା। ଏହା କିନ୍ତୁ ସେଠାରେ ୧୨ ଫୁଟ ଉଚ୍ଚତାରେ ଥିଲା।

ନିର୍ଦ୍ଦିଷ୍ଟ ଉଚ୍ଚତାରେ ବିଜୁଳି ତାର ନରହିବା ଫଳରେ ରାଜ୍ୟରେ ଅନକେ ସ୍ଥାନରେ ୧୧ କେଭି ଓ ଏଲଟି ଲାଇନ ତାର ଲାଗି ୨୦୧୪ରୁ ୧୯ ଏହି ୫ ବର୍ଷ ଭିତରେ ୧୫୭ ଟି ଦୁର୍ଘଟଣା ଘଟିଛି । ଯେଉଁଥିରେ ୬୬୨ ଜଣଙ୍କର ଜୀବନ ଯାଇଥିବାବେଳେ ୪୩ଟି ହାତୀ ମରିଛନ୍ତି ।  

   Related Posts