ନୂଆଦିଲ୍ଲୀ: ଲୋକସଭା ନିର୍ବାଚନ ସରିଲା, ଏବେ ବିଧାନସଭା ଭୋଟ୍ । ଜାମ୍ମୁ-କାଶ୍ମୀରରେ ଶୀଘ୍ର ହେବ ବିଧାନସଭା ମତଦାନ  । କେନ୍ଦ୍ରଶାସିତ ପ୍ରଦେଶରେ ଲୋକସଭା ନିର୍ବାଚନକୁ ନେଇ ଲୋକଙ୍କ ଉତ୍ସାହକୁ ଦେଖି ଭାରତୀୟ ନିର୍ବାଚନ ଆୟୋଗ ମଧ୍ୟ ଉତ୍ସାହିତ ରହିଛନ୍ତି । ତେଣୁ ଜୁନ୍ ମାସରେ ମତଦାନ ତାରିଖ ଘୋଷଣା ହୋଇପାରେ । ସୂଚନା ଅନୁଯାୟୀ, ଜାମ୍ମୁ-କାଶ୍ମୀରରେ ଅଗଷ୍ଟ ମଧ୍ୟଭାଗ ସୁଦ୍ଧା ବିଧାନସଭା ଭୋଟ୍ ଶେଷ ହେବ ବୋଲି ଆଶା କରାଯାଉଛି ।

ଜାମ୍ମୁ-କାଶ୍ମୀରରେ ବିଧାନସଭା ଭୋଟ୍ ପାଇଁ ପ୍ରସ୍ତୁତି ଆରମ୍ଭ କରି ଦେଇଛନ୍ତି ନିର୍ବାଚନ ଆୟୋଗ । ଏ ବିଷୟରେ ECI ମଧ୍ୟ କେନ୍ଦ୍ରଶାସିତ ପ୍ରଦେଶର ସମସ୍ତ ରାଜନୈତିକ ଦଳ ମାନଙ୍କୁ ଅବଗତ କରାଯାଇଛନ୍ତି । ଦଳୀୟ ଚିହ୍ନ ବ୍ୟବହାର ପାଇଁ ଆବେଦନ କରିବାକୁ କହିଛନ୍ତି । ରାଜ୍ୟରେ ସମସ୍ତ ପଲିଟିକାଲ୍ ପାର୍ଟି ପଞ୍ଜୀକୃତ ହୋଇଛନ୍ତି, ହେଲେ ଦଳୀୟ ଚିହ୍ନ ମିଳିନାହିଁ । ତେଣୁ ଦଳୀୟ ଚିହ୍ନ ପାଇଁ ଆବେଦନ କରିବାକୁ କୁହାଯାଇଛି । 

ଅଞ୍ଚଳିକ ମାନ୍ଯତା ପ୍ରାପ୍ତ ଦଳଗୁଡ଼ିକର ପ୍ରାର୍ଥୀଙ୍କ ଚିହ୍ନ ସହିତ ଟିକେଟ୍ ବାଣ୍ଟିବାକୁ ଅଧିକାର ରହିଛି, ମାତ୍ର ଅନ୍ୟ ଛୋଟ ଛୋଟ ଦଳ ଗୁ଼ଡ଼ିକର ପ୍ରାର୍ଥୀମାନେ ସ୍ବାଧୀନ ପ୍ରାର୍ଥୀଙ୍କ ପରି ଉପଲବ୍ଧ ଥିବା ଅଲଗା ଅଲଗା ଫ୍ରି’ ଚିହ୍ନରେ ନିର୍ବାଚନ ଲଢ଼ିବେ । ସାଧାରଣତଃ କୌଣସି  ନିର୍ବାଚନ ସରିବାର ୬ମାସ ଭିତରେ ଦଳୀୟ ଚିହ୍ନ ଲାଗି ଆବେଦନ ପ୍ରକ୍ରିୟା ଆରମ୍ଭ ହୋଇଯାଇଥାଏ । ହେଲେ ୨୦୧୮ରୁ   ଜାମ୍ମୁ-କାଶ୍ମୀରରେ ବିଧାନସଭା ଭାଙ୍ଗି ଦିନ ଠାରୁ ନୂଆ ବିଧାନସଭା ଗଠନ ହୋଇନାହିଁ । ତେଣୁ ନିର୍ବାଚନ ଆୟୋଗ ମତଦାନ ପାଇଁ ପ୍ରସ୍ତୁତି ଆରମ୍ଭ କରି ଦେଇଛନ୍ତି । 

ସେପଟେ ୨୦୧୯ ଅଗଷ୍ଟ ୫ ତାରିଖରେ ଜାମ୍ମୁ-କାଶ୍ମୀରରୁ ଅନୁଚ୍ଛେଦ ୩୭୦ ହଟିବା ପରେ  ଜାମ୍ମୁ-କାଶ୍ମୀର ଓ ଲଦାଖ ଦୁଇ କେନ୍ଦ୍ରଶାସିତ ପ୍ରଦେଶରେ ପରିଣତ ହୋଇଥିଲା । ଏହାକୁ ରାଜ୍ୟ ବିଭାଜନକୁ ବିରୋଧ କରି ସୁପ୍ରିମକୋର୍ଟରେ ଏକ ଜନସ୍ବାର୍ଥ ମାମଲା ଦାୟର ହୋଇଥିଲା । ସର୍ବୋଚ୍ଚ ଅଦାଲତ ଶୁଣାଣି ବେଳେ ସଂସଦର ନିଷ୍ପତ୍ତିକୁ ବଳବତ୍ତର ରଖିଥିଲେ ଏବଂ ଆସନ୍ତା ସେପ୍ଟେମ୍ବର ୩୦ ତାରିଖ ସୁଦ୍ଧା ବିଧାନସଭା ନିର୍ବାଚନ ସାରିବାକୁ ଭାରତୀୟ ନିର୍ବାଚନ କମିଶନକୁ ନିର୍ଦ୍ଦେଶ ଦେଇଥିଲେ ସୁପ୍ରିମକୋର୍ଟ ...