Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ ସମୁଦ୍ରରେ ଗାଧୋଉଥିବା ବେଳେ ଭାସିଗଲେ ୨ ଯୁବକ, ଜଣେ ଉଦ୍ଧାର, ଅନ୍ୟଜଣେ ନିଖୋଜ
  • ||
  • ସ୍ୱାଧିନତା ଦିବସ ଉତ୍ସବରେ ସାମିଲ ହେଲା ଗୁଗଲ, ଡୁଡଲ ମାଧ୍ୟମରେ ଜଣାଇଲା ଶୁଭେଚ୍ଛା
  • ||
  • ଭୂମିକମ୍ପରେ ଥରିଲା ହିମାଚଳ ପ୍ରଦେଶ, ରିକ୍ଟର ସ୍କେଲରେ ତୀବ୍ରତା ୨.୫
  • ||
  • ଅବପାତର ରୂପ ନେଲା ଲଘୁଚାପ, ସୋମବାରଠୁ କମିବ ବର୍ଷା
  • ||
  • ସ୍ୱାଧିନତା ଦିବସ ଅବସରରେ ସମସ୍ତଙ୍କୁ ମୋର ଆନ୍ତରିକ ଶୁଭେଚ୍ଛା, ପ୍ରତିଟି ଭାରତୀୟ ପାଇଁ ଗୌରବର ମୁହୂର୍ତ୍ତ
  • ||
  • ‘ଦୁନିଆରେ ହଜାରେ ବାଘ, କିନ୍ତୁ ଦ୍ରାବିଡ…’ : ଟିମ୍ ଇଣ୍ଡିଆର କୋଚ୍‌ଙ୍କୁ ନେଇ ଟେଲରଙ୍କ ବଡ ବୟାନ
  • ||

କରୋନା କାଳରେ ହେବ ବିହାର ବିଧାନସଭା ନିର୍ବାଚନ: ନୂତନ ଗାଇଡ୍‌ଲାଇନ୍ ଜାରି କଲେ ଆୟୋଗ, ଅନଲାଇନ୍‌ରେ ନାମାଙ୍କନ ଭରିବେ ପ୍ରାର୍ଥୀ

21/08/2020 at 4:46 PM

ନୂଆଦିଲ୍ଲୀ ୨୧।୦୮: କରୋନା ସଙ୍କଟ ମଧ୍ୟରେ ବିହାର ବିଧାନସଭା ନିର୍ବାଚନ ପାଇଁ ନିର୍ବାଚନ ଆୟୋଗ ଗାଇଡ୍‌ଲାଇନ୍ ବା ମାର୍ଗଦର୍ଶିକା ଜାରି କରିଛନ୍ତି। ଏହି ଗାଇଡ୍‌ଲାଇନ୍‌ ଅନୁଯାୟୀ ବିହାର ବିଧାନସଭା ନିର୍ବାଚନ ପାଇଁ ପ୍ରାର୍ଥୀଙ୍କୁ ଅନଲାଇନ୍‌ରେ ନାମାଙ୍କନ ପତ୍ର ଦାଖଲ କରିବେ। ଏହା ସହିତ ନିର୍ବାଚନ ସମୟରେ କରୋନାରୁ ରକ୍ଷା ପାଇଁ ନୂତନ ନିୟମର ପାଳନ କରିବାକୁ ପଡିବ। ନିର୍ବାଚନ ଆୟୋଗଙ୍କ ଏହି ଗାଇଡ୍‌ଲାଇନ୍‌ ସଙ୍କେତ ଦେଇଛି ଯେ ରାଜ୍ୟରେ ବିଧାନସଭା ନିର୍ବାଚନ ନିର୍ଦ୍ଧାରିତ ସମୟରେ ହେବ।

ନିର୍ବାଚନୀ ସମ୍ବନ୍ଧିତ ପ୍ରତିଟି ଗତିବିଧି ସମୟରେ ପ୍ରତ୍ୟେକ ବ୍ୟକ୍ତିଙ୍କ ପାଇଁ ମାସ୍କ ପିନ୍ଧିବା ଜରୁରୀ। ନିର୍ବାଚନ ପାଇଁ ବ୍ୟବହୃତ ହେବାକୁ ଥିବା ପରିସରରେ ବ୍ୟକ୍ତିଙ୍କ ଥର୍ମାଲ ସ୍କ୍ରିନିଂ କରାଯିବ। ସାନିଟାଇଜର ଓ ସାବୁନ ଉପଲବ୍ଧ କରାଯିବ ଓ ସାମାଜିକ ଦୂରତ୍ଵ ନିୟମର ପାଳନ କରିବାକୁ ପଡିବ।

ନିର୍ବାଚନ ଆୟୋଗ ଅନୁଯାୟୀ ଏଥର ପ୍ରାର୍ଥୀମାନେ ସିକ୍ୟୁରିଟି ମନି ଅନଲାଇନ୍‌ରେ ଜମା କରିବେ। ପ୍ରଥମ ଥର ନିର୍ବାଚନରେ ପ୍ରାର୍ଥୀମାନେ ସିକ୍ୟୁରିଟି ମନି ଅନଲାଇନ୍‌ରେ ଜମା କରିବେ। ଏହା ବ୍ୟତୀତ ପ୍ରାର୍ଥୀଙ୍କୁ ଅନଲାଇନ୍‌ରେ ନାମାଙ୍କନ ପତ୍ର ଦାଖଲ କରିବାକୁ ପଡିବ।

ଗାଇଡ୍‌ଲାଇନ୍ ଅନୁଯାୟୀ ଡୋର ଡୁ ଡୋର ପ୍ରଚାର ପାଇଁ ପ୍ରାର୍ଥୀଙ୍କ ସହିତ ଅତି ବେଶିରେ ୫ ଜଣ ଲୋକ ଯାଇ ପାରିବେ। ଗୃହ ମନ୍ତ୍ରଣାଳୟର ନିର୍ଦ୍ଦେଶ ଅନୁଯାୟୀ ସାର୍ବଜନୀନ ସଭା ଓ ରୋଡ୍‌ ସୋର ଅନୁମତି ମିଳିବ।  କରୋନା ସଙ୍କଟକୁ ଧ୍ୟାନରେ ରଖି ସତର୍କ ରହିବାକୁ ମଧ୍ୟ ପଡିବ। ଫେସ୍ ମାସ୍କ, ସାନିଟାଇଜର, ଥର୍ମାଲ ସ୍କାନର, ଗ୍ଲୋଭ୍ସ, ଫେସିଆଲ ପିପି କିଟ୍ସର ବ୍ୟବହାର ନିର୍ବାଚନ ପ୍ରକ୍ରିୟା  ସମୟରେ କରାଯିବ ଓ ସାମାଜିକ ଦୂରତା ନିୟମର ମଧ୍ୟ ପାଳନ କରାଯିବ।

   Related Posts