ଚଣ୍ଡୀଖୋଲ ୨୭/୦୫: ଜୁନ୍ ୧ରେ ଚତୁର୍ଥ ପର୍ଯ୍ୟାୟ ନିର୍ବାଚନ । ଏଥିପାଇଁ ଜୋର ଧରିଛି ନିର୍ବାଚନୀ ପ୍ରଚାର । ଯାଜପୁର ବଡଚଣା ନିର୍ବାଚନ ମଣ୍ଡଳୀରେ ନିର୍ବାଚନୀ ତାତି ଦେଖିବାକୁ ମିଳିଛି । ଆଉ ଅଳ୍ପ ଦିନ ହାତରେ ରହିଥିବା ବେଳେ ନିର୍ବାଚନ ପ୍ରଚାରକୁ ଜୋରଦାର କରିଛନ୍ତି ପ୍ରାର୍ଥୀମାନେ ।
ବଡଚଣା ବିଜେପି ପ୍ରାର୍ଥୀ ଅମର ପ୍ରସାଦ ନାୟକ ପ୍ରଚାରକୁ ଜୋରଦାର କରିଛନ୍ତି । ବଡଚଣା ନିର୍ବାଚନ ମଣ୍ଡଳୀର ସୁଘୁଡ଼ା ପଂଚାୟତରେ ବିଜେପି ପକ୍ଷରୁ ଅମର ନାୟକ ପ୍ରଚାର କରିଛନ୍ତି । ନିଜ ସମର୍ଥକ ଘର ଘର ବୁଲି ଭୋଟ ଭିକ୍ଷା କରିଛନ୍ତି । ବିଜେପିର ଗ୍ୟାରେଣ୍ଟି କାର୍ଡ ଘର ଘର ବୁଲି ବାଣ୍ଟିଛନ୍ତି । ଯେଉଁ ଭଳି ଲୋକଙ୍କ ସମର୍ଥନ ମିଳୁଛି ଆଗାମୀ ଦିନରେ ବିଜେପିକୁ ଭଲ ସଫଳତା ମିଳିବ ବୋଲି ବିଜେପି ପ୍ରାର୍ଥୀ ଅମର ନାୟକ କହିଛନ୍ତି ।