ଭୁବନେଶ୍ବର ୧୩/୫: ଓଡ଼ିଶାରେ ଶାନ୍ତିଶୃଙ୍ଖଳାର ସହ ଚାଲିଛି ମତଦାନ । ରାଜ୍ୟ ନିର୍ବାଚନ କମିଶନଙ୍କ ତାଜା ଅପଡେଟ୍ ଅନୁସାରେ ଦିନ ଗୋଟାଏ ସୁଦ୍ଧା ୩୯.୩୦ ପ୍ରତିଶତ ମତଦାନ ହୋଇଛି । ଝରିଗାଁ ନିର୍ବାଚନ ମଣ୍ଡଳୀରେ ସର୍ବାଧିକ ୪୬.୯୦% ମତଦାନ ରେକର୍ଡ ହୋଇଥିବାବେଳେ ବ୍ରହ୍ମପୁରରେ ସବୁଠୁ କମ ୨୬.୧୪ ପ୍ରତିଶତ ମତଦାନ ହୋଇଛି । ସହରାଞ୍ଚଳର ମତଦାନ କମ ରହିଥିବାରୁ ସେଠାକାର ଭୋଟରଙ୍କୁ ଅଧିକ ସଂଖ୍ୟାରେ ଭୋଟ ଦେବାକୁ ଅପିଲ କରିଛନ୍ତି ।
ଗଞ୍ଜାମ ଜିଲ୍ଲା ଚିକିଟି ବୁଥ୍ ନଂ ୭୪ରେ କାର୍ଯ୍ୟରେ ଅବହେଳା ପାଇଁ ସିଟି ଜିଏସ୍ଟି ଅଫିସର ମାନସ ରଞ୍ଜନ ସେଠିଙ୍କୁ ଜିଲ୍ଲା ନିର୍ବାଚନ ଅଧିକାରୀ ସସ୍ପେଣ୍ଡ କରିଛନ୍ତି । ସେହିପରି ଫେକ୍ ନ୍ୟୁଜ ଭାଇରାଲ ଉପରେ ବିଶ୍ବାସ ନକରିବାକୁ ପରାମର୍ଶ ଦେଇଛନ୍ତି ମୁଖ୍ୟ ନିର୍ବାଚନ ଅଧିକାରୀ । କୋଟିଆରେ ୮୦% ମତଦାନ ହୋଇଛି । ପଞ୍ଚାୟତର ୯ବୁଥରେ ୫୩.୩% ମତଦାନ ହୋଇଛି । ତଳକଣ୍ଟିରେ ୮୬%,ଗୁମେଲ ପଦର ବୁଥରେ ୭୩.୬୮ % ମତଦାନ ରେକର୍ଡ ହୋଇଛି । ନିର୍ବାଚନକୁ ଶାନ୍ତିଶୃଙ୍ଖଳା ସହ ଶେଷ କରିବାକୁ ପୋଲିଂ ବୁଥ୍ ଗୁଡିକରେ ସୁରକ୍ଷାବ୍ୟବସ୍ଥାକୁ କଡାକଡି କରାଯାଇଛି ।
