scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଅନାହାରରେ ଅସହାୟ ବୃଦ୍ଧା

26/06/2018 at 10:21 AM

ବାଲେଶ୍ବର ଜିଲ୍ଲା ନୀଳଗିରି ଅଚଂଳରେ ୩ ଦିନ ଧରି ଜଣେ ବୃଦ୍ଧା ଅନାହାରରେ ପଡି ମୃତ୍ୟୁ ସହିତ ସଂଗ୍ରାମ କରୁଥିବାବେଳେ ପ୍ରଶାସନ ପାଖରେ ଖୋଜ ଖବର ନଥିବା ନେଇ ଅଚଂଳରେ ଅସନ୍ତୋଷ ପ୍ରକାଶ ପାଇଛି । ୭୦ ବର୍ଷୀୟ ବିଧବା ବୃଦ୍ଧା ଜଣକର କେହି ନଥିବା ବେଳେ ନିଜ ପୁତୁରା ପାଖରେ ରହୁଥିଲେ ।
ବାଲେଶ୍ବର ଜିଲ୍ଲା ନୀଳଗିରି ବ୍ଲକ ଅଧତ୍ନସ୍ଥ ଅଯୋଧ୍ୟ ଅଂଚଳରେ ଜଣେ ୭୦ ବର୍ଷିୟ ବିଧବା ମହିଳା ଅନାହାରରେ ପଡିଥିବା ଦେଖାଯାଇଛି । ଏହି ଗ୍ରାମର ଗୌରୀ ପଲେଇ ନାମକ ମହିଳା ମୟୁରଭ ଭିମିଦା ଗ୍ରାମର କନ୍ଦର୍ପ କୁ ବିବାହ କରିଥିବା ବେଳେ ସ୍ବାମୀର ମୃତ୍ୟୁ ପରେ ପିଲାଛୁଆ ନିଜର ନଥିବାରୁ ବାପ ଘରକୁ ଆସି ପୁତୁରା ପାଖରେ ଆଶ୍ରୟ ନେଇଥିଲେ । ମାସକୁ ୩୦୦ ଟଙ୍କା ଭତ୍ତା ଇନ୍ଦିରାବାସ ପାଇଥିଲେ ମଧ୍ୟ ସେଥିରେ ଚଳି ନପାରି ପର ଘର କାମ କରୁଥିଲେ । ହେଲେ କିଛି ଦିନ ହେବ କୌଣସି କାରଣରୁ ସେ ଘରୁ ବାହାରି ଏକ ପଡିଆ ନିକଟରେ ନଖାଇ ନପିଇ ମୃତ୍ୟୁ ସହିତ ସଂଗ୍ରାମ କରୁଥିବା ଦେଖାଯାଇଛି । ଏଭଳି ଘଟଣା ପ୍ରଶାସନ ପାଖରେ ଖବର ନଥିଲା । କୌଣସି ସମାଜ ସେବୀ ସହାୟତାର ହାତ ମଧ୍ୟ ବଢାଇ ନଥିଲେ । ଏ ନେଇ ଗ୍ରାମବାସୀ ମାନେ ଖାଲି ଦେଖିବା ଛଡା କୌଣସି ପ୍ରତିକାର ମଧ୍ୟ କରିନଥିଲେ ।
ଗଣମାଧ୍ୟମ ପାଖରେ ଖବର ପହଂଚିବା ପରେ ସ୍ଥାନୀୟ ସରପଂଚ ତାଙ୍କୁ ଆଣି ତାଙ୍କ ଘରେ ପହଂଚାଇଥିଲେ ସତ କିନ୍ତୁ ସେଠାର ମଧ୍ୟ ସେ ନଖାଇ ପଡି ରହିଥିଲେ । ସରପଂଚ ଜଣକ ଏଭଳି ଘଟଣାକୁ ନେଇ ପ୍ରଶାସନ ପାଖରେ ଦୃଷ୍ଟି ଆକର୍ଷଣ କରିବେ ବୋଲି କହିଛନ୍ତି । ତେବେ ନିଜର ପରିବାର ଲୋକ କଣ ପାଇଁ ଘରୁ ଗୋଡ କାଢି ବାହାରକୁ ସେ ଗଲେ କିଛି ଜାଣି ନଥିବା କହିଛନ୍ତି । ତବେ ସେହି ଗ୍ରାମର ଜଣେ ସହୃଦୟ ଆଦିବାସୀ ମହିଳା ତାଙ୍କୁ ସହାୟତାର ହାତ ବଢାଇଛନ୍ତି । ବୃଦ୍ଧା ଜଣଙ୍କୁ ନୀଳଗିରି ହସ୍ପିଟାଲରେ ଆଣି ସେବା ଯୋଗାଇବା ସହ ଆସନ୍ତାକାଲି ସେ ଜିଲ୍ଲାପାଳଙ୍କୁ ଭେଟି ମହିଳା ଜଣଙ୍କୁ ଥଇଥାନ କରିବାକୁ ନିବେଦନ କରିବେ ବୋଲି କହିଛନ୍ତି ।
ଏଭଳି ସମ୍ବେଦନ ଶୀଳ ଘଟଣା ନେଇ ପ୍ରଶାସନ ପାଖରେ ଖୋଜ ଖବର ନ ରହିବା ଅତ୍ୟନ୍ତ ଦୁର୍ଭ।ଗ୍ୟ ଜନକ କୁହାଯାଉଥିବା ବେଳେ ସରକାରଙ୍କ ପାରିବା ପଣିଆ ଉପରେ ପ୍ରଶ୍ନ ଉଠିଛି ।

   Related Posts