ଆସିକା ୧୦|୧୨: ଆସିକା ଥାନା ଜାତୀୟ ରାଜପଥ -୫୯ କର୍ଣ୍ଣୋଳି ଛକ ନିକଟ ଧାନ ବିଲ ମଝିରେ ଥିବା ଏକ ନିମ ଗଛରେ ଝୁଲନ୍ତା ଅବସ୍ଥାରେ ଜଣେ ବୃଦ୍ଧଙ୍କ ଶବକୁ ଆସିକା ପୋଲିସ ଉଦ୍ଧାର କରିଛି । ପ୍ରତିଦିନ ଭଳି ବିଲକୁ ଯାଉଥିବା କିଛି ଚାଷୀଙ୍କ ସୁଚନା ଅନୁଯାୟୀ ଘଟଣା ଲୋକ ଲୋଚନକୁ ଆସିଥିଲା । ଖବର ପ୍ରଚାରିତ ହେବା ପରେ ଲୋକଙ୍କ ରୁଣ୍ଡ ହେବା ଦେଖା ଦେଇଥିଲା । ମୃତ ଵୃଦ୍ଧର ପରିଚୟ ଜଣାପଡିନଥିବା ବେଳେ କେଉଁ କାରଣରୁ ବୃଦ୍ଧ ଜଣକ ଆତ୍ମହତ୍ୟା କରିଛନ୍ତି ତାହାର ସ୍ପଷ୍ଟ ସୂଚନା ନଥିବା ଜଣାପଡିଛି ।  ଆସିକା ପୋଲିସ ମୃତ ବୃଦ୍ଧ ଶବକୁ ଉଦ୍ଧାର କରି ଶବ ବ୍ୟବଛେଦ ପାଇଁ ଆସିକା ମେଡ଼ିକାଲକୁ ପଠାଇ ତଦନ୍ତ ଜାରି ରଖିଛି ।