ନୂଆଦିଲ୍ଲୀ: ଅଭିନେତ୍ରୀରୁ ଆରମ୍ଭ କରି ରାଜନୀତି ଇନିଂସରେ ଆଗକୁ ବଢୁଥିବା କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ସେ କ୍ୟୁନକି ସାସ୍ ବି କଭି ବହୂ ଥି ସିରିୟଲରେ ନିଜ ଭୂମିକାକୁ ମନେ ପକାଇଛନ୍ତି । ଏବଂ କିପରି ସେହି ଚରିତ୍ର ପାଇଁ ଚୟନ ହେଲେ ତାହା ଉପରେ ବୟାନ ଦେଉଛନ୍ତି । ଏଥିରେ ସେ ଦାବି କରୁଛନ୍ତି ଯେ ଏକତା କପୁରଙ୍କ ଅଫିସରେ ଜଣେ ଜ୍ୟୋତିଷ ବସିଥିଲେ, ଯିଏ କି ନିର୍ଦ୍ଦେଶକ-ନିର୍ମାତାଙ୍କୁ ତାଙ୍କୁ ଏଥିପାଇଁ ଚୟନ କରିବାକୁ କହିଥିଲେ । ତେବେ ଏକତା କପୁର ଏବେ ସେହି ଭିଡିଓକୁ ନିଜ ଷ୍ଟୋରୀରେ ରଖି ଏହାକୁ ମିଛ ବୋଲି କହିଛନ୍ତି ।
ନିଜ ଅଫିସିଆଲ୍ ଇନଷ୍ଟାଗ୍ରାମରେ ଭିଡିଓକୁ ସେୟାର କରି ଏକତା କପୁର କ୍ୟାପ୍ସନରେ ଲେଖିଛନ୍ତି, ଏହା ସତ ନୁହେଁ । ଅଡିସନ ନେବା ପରେ ଆମେ ଦେଖିଥିଲୁ ଏବଂ କିଛି ସେକେଣ୍ଡରେ ଚୟନ କରିଥିଲୁ ।
ସ୍ମୃତି ଇରାନ ଭିଡିଓରେ କହୁଛନ୍ତି, ‘ଏହା ବ୍ୟକ୍ତିତ୍ୱ ଏବଂ ବ୍ୟକ୍ତିର କିମ୍ୱା ଅନ୍ୟ କାରଣରୁ ହୋଇ ନାହିଁ । ଜଣେ ଜ୍ୟୋତିଷ ଏକତା କପୁରଙ୍କ କାର୍ଯ୍ୟାଳୟରେ ବସିଥିଲେ । ସେ କହିଥିଲେ, ଏହି ଝିଅଟି ? ବୋଧେ ହୁଏ ସେ ଜଣ ଫେକ୍ ରିଡର ଥିଲେ । ସେ କହିଥିଲେ ଯେ ଯଦି ତାଙ୍କୁ ରଖିବ ଏବଂ କାମ କରିବାକୁ ଦେବ ତେବେ ଦେଶରେ ସେ ଜଣେ ବଡ଼ ନାଁ ହେବାକୁ ଯାଉଛନ୍ତି ।‘