scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

୧୩ ଦିନରେ ଦିଲୀପ କୁମାରଙ୍କ ଆଉ ଜଣେ ଭାଇଙ୍କ ନିଧନ, ୯୨ ବର୍ଷରେ ଆଖି ବୁଜିଲେ ଏହସାନ

3/09/2020 at 9:11 AM

ନୂଆଦିଲ୍ଲୀ ୦୩।୦୯: ବଲିଉଡ୍‌ର ବରିଷ୍ଠ ଅଭିନେତା ଦିଲୀପ କୁମାରଙ୍କ ଘରେ ପୁଣି ଥରେ ଶୋକର ମାହୋଲ । ଦିଲୀପ କୁମାରଙ୍କ ସାନ ଭାଇ ଏହସାନ ଖାନ୍‌ଙ୍କ ମୃତ୍ୟୁ ହୋଇଯାଇଛି । ୯୨ ବର୍ଷ ବୟସରେ ତାଙ୍କର ପରଲୋକ ହୋଇଛି । ଏହସାନ ଖାନ୍‌ କରୋନା ଭାଇରସରେ ସଂକ୍ରମିତ ହେବା ପରେ ମୁମ୍ବାଇ ଲୀଲାବତୀ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କ ଚିକିତ୍ସା ଜାରି ରହିଥିଲା । ତେବେ ଏହସାନଙ୍କୁ ହୃଦରୋଗ, ଉଚ୍ଚ ରକ୍ତଚାପ ପରେ ଆଉ କିଛି ରୋଗରେ ପୀଡିତ ଥିଲେ । ବୁଧବାର ରାତି ପ୍ରାୟ ୧୧ଟାରେ ଏହସାନଙ୍କ ପରଲୋକ ହୋଇଯାଇଛି ।

ଲୀଲାବତୀ ହସ୍ପିଟାଲରେ ବିଳମ୍ବିତ ରାତିରେ ଏକ ବୟାନ ଜାରି କରାଯାଇଛି ଯେ, ଏହସାନ ଖାନ୍‌ଙ୍କ ମୃତ୍ୟୁ ହୋଇଯାଇଛି। ଏହସାନ କରୋନା ସଂକ୍ରମିତ ଥିଲେ , ତାଙ୍କୁ ହୃଦରୋଗ ଓ ଉଚ୍ଚ ରକ୍ତଚାପ ପରି ଆଉ କିଛି ରୋଗରେ ଆକ୍ରାନ୍ତ ଥିଲେ । ଏହାସାନ ଖାନ୍‌ଙ୍କ ପୂର୍ବରୁ ୨୧ଅଗଷ୍ଟରେ ଦିଲୀପ କୁମାରଙ୍କ ଆଉ ଜଣେ ସାନଭାଇ  ଅସଲମ ଖାନ୍‌ଙ୍କ ମୃତ୍ୟୁ ହୋଇସାରିଛି । ୮୮ ବର୍ଷ ବୟସରେ ଅସଲମ୍‌ଙ୍କ ପରଲୋକ ହୋଇଛି ।  ସେ ମଧ୍ୟ କୋଭିଡ଼-୧୯ ସଂକ୍ରମିତ ଥିଲେ , ଏବଂ ମୁମ୍ବାଇର ଲୀଲାବତୀ ହସ୍ପିଟାଲରେ ଭର୍ତ୍ତି ହୋଇଥିଲା । ଅସଲମ ଖାନ୍‌ ମଧ୍ୟ ମଧୁମେହ, ଉଚ୍ଚ ରକ୍ତଚାର, ହୃଦରୋଗରେ ଆକ୍ରାନ୍ତ ଥିଲେ । ସେ ମଧ୍ୟ କରୋନା ସଂକ୍ରମିତ ଥିଲେ ।

ଦିଲୀପ କୁମାରଙ୍କ ୨ ଭାଇ ଏହସାନ ଖାନ୍‌ ଓ ଅସଲମ୍‌ ଖାନ୍‌ଙ୍କ ନିଶ୍ୱାସ ପ୍ରଶ୍ୱାସ ନେବାରୁ ଅସୁବିଧା ହେଉଥିଲା । ଯାହାପରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ଯେଉଁଠାରେ ୨ଜଣଙ୍କ କରୋନା ଟେଷ୍ଟ କରାଯାଇଥିଲା , ଏବଂ ଦୁଇ ଜଣ କରୋନା ସଂକ୍ରମିତ ଥିବା ଜଣାପଡିଥିଲା । ତେବେ ମେଡିକାଲରେ ଚିକିତ୍ସା ଜାରି ରହିଥିଲା ବେଳେ ଅସଲମ୍‌ ଖାନ୍‌ଙ୍କ ମୃତ୍ୟୁ ହୋଇଯାଇଥିଲା । ଏହା ପରେ ଏହସାନ୍‌ ଖାନ୍‌ଙ୍କୁ ଲୀଲାବତୀ ହସ୍ପିଟାଲରେ ଭର୍ତ୍ତି କରାଯାଇଥିଲ। ତାଙ୍କ ସ୍ଥିତି ଗମ୍ଭୀର ରହିଥିଲା , ମେଡିକାଲରେ ଡାକ୍ତର କହିଥିଲେ ଯେ, ଏହସାନ ଖାନ୍‌ଙ୍କ ସ୍ୱାସ୍ଥ୍ୟବସ୍ଥା ଭଳ ନଥିଲେ, ସେ ଅଧିକ ଚଳପ୍ରଚଳ କରିପାରୁନଥିଲେ । ତାଙ୍କ ଶରୀରରେ ପୂର୍ବରୁ ଅକ୍ସିଜେନ୍‌ କମ୍‌ ଥିଲା । ଏଥିପାଇଁ ତାଙ୍କୁ କରୋନା ହେବା ପରେ ଆହୁରୀ ଅସୁବିଧାର ସମ୍ମୁଖୀନ ହେବାକୁ ପଡିଥିଲା । ଏପରିକି ନିଶ୍ୱାସ ନେବାରେ ବହୁ ଅସୁବିଧା ହେଉଥିଲା । ଶେଷରେ ବୁଧବାର ଦିନ ତାଙ୍କର ମୃତ୍ୟୁ ହୋଇଛି ।

   Related Posts