ନୂଆଦିଲ୍ଲୀ ୦୨/୧୦ : ଅକ୍ଟୋବର ମାସରୁ ଟିକିଏ ଟିକିଏ ଶୀତ ପଡିବା ଆରମ୍ଭ ହୋଇଯାଇଥାଏ । ଶୀତ ପଡିଲେ ଲୋକେ ଅଣ୍ଡା ଖାଇବାକୁ ଅଧିକ ପସନ୍ଦ କରିଥାନ୍ତି । କାରଣ ଗରମ ଦିନରେ ଅଧିକାଂଶ ଲୋକେ ଅଣ୍ଡା ଖାଇବାକୁ ପସନ୍ଦ କରନ୍ତିନି । ଡାକ୍ତର ମଧ୍ୟ କୁହନ୍ତି ଯେ ଅଣ୍ଡାରେ ଅଧିକ ମାତ୍ରାରେ ପ୍ରୋଟିନ ଅଛି । ସେଥିପାଇଁ ମଧ୍ୟ ଅଧିକ ଲୋକ ଅଣ୍ଡା ଖାଇଥାନ୍ତି । କିନ୍ତୁ ବର୍ତ୍ତମାନ ଅଣ୍ଡାର ଦାମ ବଢିଯାଇଛି ଯାହା ଲୋକଙ୍କ ଚିନ୍ତା ବଢ଼ାଇଛି । ଅକ୍ଟୋବର ମାସରେ ଗୋଟିଏ ଅଣ୍ଡା ୭-୮ ଟଙ୍କା ହୋଇପାରେ । ବ୍ୟବସାୟୀ ଦାବି କରିଛନ୍ତି ଯେ ଚଳିତ ବର୍ଷ ଶେଷ ସୁଦ୍ଧା ଅଣ୍ଡା ଦାମ ଆହୁରି ବଢିପାରେ ।

{"id":337417,"sizeSlug":"large"}

ଉତ୍ତର ପ୍ରଦେଶ କୁକୁଡ଼ା ଫାର୍ମ ଆସୋସିଏସନ ସଭାପତି ନବାବ ଅଲି କହିଛନ୍ତି ଯେ, ଚଳିତ ବର୍ଷ ମାର୍ଚ୍ଚ-ଏପ୍ରିଲ ମାସରୁ କୁକୁଡ଼ାଙ୍କ ଉପରେ ମଧ୍ୟ କରୋନା ପ୍ରଭାବ ପଡିଥିଲା । କୌଣସି ଗବେଷକ ବା ବୈଜ୍ଞାନିକ କହିନଥିଲେ ଯେ କୁକୁଡ଼ା ସଂକ୍ରମିତ ହୋଇଥାନ୍ତି କିମ୍ବା କୁକୁଡ଼ା ଅଣ୍ଡା ଖାଇଲେ ସଂକ୍ରମଣ ହୋଇପାରେ । କିନ୍ତୁ ତଥାପି କୁକୁଡ଼ା ଓ ଅଣ୍ଡାକୁ ନେଇ ସୋସିଆଲ ମିଡ଼ିଆରେ ନାନା ଗୁଜବ ସୃଷ୍ଟି ହୋଇଥିଲା ଯାହାଫଳରେ କୁକୁଡ଼ା ଫାର୍ମ ବ୍ୟବସାୟ ଅନେକ କ୍ଷତିର ସାମ୍ନା କରିଥିଲା । ଲୋକେ କୁକୁଡ଼ା ଓ ଅଣ୍ଡା ଖାଇବା ଛାଡିଦେଲେ । ଅପରପକ୍ଷରେ ଲକଡାଉନ ଯୋଗୁଁ କୁକୁଡ଼ାଙ୍କ ଦାନା ମଧ୍ୟ ଆଉ ମିଳିଲାନି । ଫଳରେ ବ୍ୟବସାୟୀଙ୍କ ବହୁତ କ୍ଷତି ହୋଇଥିଲା ।

{"id":337416,"sizeSlug":"large"}

ନବାବ ଅଲି କହିଛନ୍ତି ଯେକୌଣସି କୁକୁଡ଼ା ଫାର୍ମକୁ ଗଲେ ବି ଦେଖିବେ ସେଠାରେ ବର୍ତ୍ତମାନ ୪୦ ରୁ ୪୫ ପ୍ରତିଶତ କୁକୁଡ଼ା ହିଁ ଅଛନ୍ତି । କିନ୍ତୁ ଶୀତ ଆରମ୍ଭ ହେବା ମାତ୍ରେ କୁକୁଡ଼ା ଓ ଅଣ୍ଡାର ଚାହିଦା ବୃଦ୍ଧି ପାଇବ । କିନ୍ତୁ ଚାହିଦା ଅନୁଯାୟୀ ଫାର୍ମ ଅଣ୍ଡା ଯୋଗାଇ ପାରିବନି । ଫଳରେ ଅଣ୍ଡା ଦାମ ବୃଦ୍ଧି ପାଇବ ।