ଭୁବନେଶ୍ୱର ୧୫।୦୧ : ଇଡି ଚାର୍ଜସିଟରେ ଅର୍ଚ୍ଚନା କାହାଣୀ । ବ୍ଲାକ ମେଲ କରି ସିନେ ପ୍ରଯୋଜକଙ୍କୁ କେମିତି ଫସାଇଥିଲା ଅର୍ଚ୍ଚନା ? କୋର୍ଟରେ ଇଡି ଦାଖଲ କରିଥିବା ଚାର୍ଜସିଟରୁ ମିଳିଛି ସାଙ୍ଘାତିକ ତଥ୍ୟ ।
ଖବର ଅନୁଯାୟୀ, ୧୬ ନଭେମ୍ବର ୨୦୧୭ ଦିନ ସିନେ ପ୍ରଯୋଜକ ପ୍ରମୋଦ ସ୍ବାଇଁଙ୍କ ଘରେ ରହିବା ବେଳେର ଯୌନ ଶୋଷଣ ନେଇ ମହିଳା ଥାନାରେ ଅଭିଯୋଗ କରିଥିଲା ଅର୍ଚ୍ଚନା ନାଗ । ଏତଲାର ଠିକ ଦିନକ ପରେ ଅର୍ଚ୍ଚନାଙ୍କ ଆକାଉଣ୍ଟରେ ଡିପୋଜିଟ ହେଲା ଟଙ୍କା। ସହୀଦ ନଗର ଏଚଡିଏଫସି ବ୍ୟାଙ୍କରେ ଥିବା ଅର୍ଚ୍ଚନାଙ୍କ ଆକାଉଣ୍ଟରେ ୨ ଲକ୍ଷ ଏବଂ ଜଗବନ୍ଧୁଙ୍କ ଆକାଉଣ୍ଟରେ ୮ ଲକ୍ଷ ଟଙ୍କା ଡିପୋଜିଟ ହୋଇଥିଲା । ବଡ କଥା ହେଉଛି ଟଙ୍କା ଡିପୋଜିଟ ହେବା ପରେ ପରେ ମହିଳା ଥାନାରେ ଅର୍ଚ୍ଚନା ଦେଇଥିବା ମାମଲା ରଫାଦଫା ହୋଇଗଲା ।
ସେହିପରି ୫ ଡିସେମ୍ବର , ୮ ଡିସେମ୍ବର ଓ ୨୨ ଡିସେମ୍ବରରେ ନାଗ ଚାନ୍ଦ ଦମ୍ପତ୍ତିଙ୍କ ଆକାଉଣ୍ଟକୁ ଆସିଛି ୨୧ ଲକ୍ଷ ୭୦ ହଜାର ଟଙ୍କା । ଏହାବ୍ୟତୀତ ୮ ଡିସେମ୍ବର ୨୦୧୭ରେ ଖଗେଶ୍ବରଙ୍କ କାର ବିଜନେସ ବାବଦକୁ ଏଗ୍ରିମେଣ୍ଟ କରିବା ସହ ୧୦ ଲକ୍ଷ ଟଙ୍କା ଦେଇଥିବା ଡକ୍ୟୁମେଣ୍ଟ ପାଇଛି ଇଡି।