AKK 2023
MONGINIS 728X90
Hari omm 2
AKK2023
hari om films
WEB_F-8
MONGINIS 728X90
Showcase2022
HARI-OMM_728X90_B
WEB_F-9
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବଜେଟ୍ ପୂର୍ବରୁ ବିଧାନସଭାରେ ଅର୍ଥନୈତିକ ସର୍ଭେ ରିପୋର୍ଟ ଉପସ୍ଥାପିତ, କମିଛି ରାଜ୍ୟର ଅଭିବୃଦ୍ଧି ହାର

17/02/2020 at 1:48 PM

 ଭୁବନେଶ୍ବର ୧୭।୦୨ – ରାଜ୍ୟର ଅର୍ଥନୈତିକ ଅଭିବୃଦ୍ଧି ହାର ୨୦୧୯-୨୦ ଆର୍ଥିକ ବର୍ଷରେ ହ୍ରାସ ପାଇବା ଆଶଙ୍କା । ରାଜ୍ୟ ବଜେଟ ଆଗତର ଦିନକ ପୂର୍ବରୁ ବିଧାନସଭାରେ ଉପସ୍ଥାପିତ ୨୦୧୯-୨୦ ଓଡ଼ିଶା ଅର୍ଥନୈତିକ ସର୍ଭେ ରିପୋର୍ଟରେ କୁହାଯାଇଛି । ତେବେ ଏହି ରିପୋର୍ଟ ଅନୁଯାୟୀ ୨୦୧୯-୨୦ ରେ ମୁଣ୍ଡପିଛା ଆୟ ବଢିଛି । ଅର୍ଥନୈତିକ ସର୍ଭେ ରିପୋର୍ଟ ଅନୁଯାୟୀ ମୁଣ୍ଡ ପିଛା ଆୟ ୧ ଲକ୍ଷ ୧ ହଜାର ୫୮୭ ଟଙ୍କାକୁ ଛୁଇଁବ ।

 ମଙ୍ଗଳବାର (ଆସନ୍ତାକାଲି) ଅର୍ଥ ମନ୍ତ୍ରୀ ନିରଞ୍ଜନ ପୂଜାରୀ ବିଧାନସଭାରେ ୨୦୨୦-୨୧ ଆର୍ଥିକ ବଜେଟ ଆଗତ କରିବେ । ଏହାର ଦିନକ ପୂର୍ବରୁ ରାଜ୍ୟ ବିଧାନସଭାରେ ଅର୍ଥନୈତିକ ସର୍ଭେ ରିପୋର୍ଟ ଉପସ୍ଥାପିତ ହୋଇଛି । ଏହି ରିପୋର୍ଟ ଭିତ୍ତିରେ ତଥା ଆଗ୍ରୀମ ଆକଳନ ଅନୁଯାୟୀ ୨୦୧୯-୨୦ରେ  ରାଜ୍ୟର ଆର୍ଥିକ ଅଭିବୃଦ୍ଧି ହାର ରାଜ୍ୟର ମୋଟ ଘରୋଇ ଉତ୍ପାଦର ୬.୧୬ ପ୍ରତିଶତ ରହିବ । ଯାହାକି ୨୦୧୮-୧୯ ଆର୍ଥିକ ବର୍ଷ ଅପେକ୍ଷା ଢେର କମ୍ । କାରଣ ୨୦୧୮-୧୯ ଆର୍ଥିକ ବର୍ଷରେ ରାଜ୍ୟର  ଅର୍ଥନୈତିକ ଅଭିବୃଦ୍ଧି ହାର ୭.୯୦ ପ୍ରତିଶତ ଥିଲା । ତେବେ ଅଭିବୃଦ୍ଧି ହାର ହ୍ରାସର କାରଣ ଭାବେ, ବତ୍ୟା ପ୍ରଭାବରେ କୃଷି ଉତ୍ପାଦନ ହ୍ରାସ ଏବଂ ଖଣିଜ ତଥା  ଶିଳ୍ପ ଉତ୍ପଦନ ହ୍ରାସ ଆର୍ଥନୈତିକ ସ୍ଥିତିକୁ ପ୍ରଭାବିତ କରିଥିବା କହୁଛି ଅର୍ଥନୈତିକ ସର୍ଭେ ରିପୋର୍ଟ ।

 ୨୦୧୯-୨୦ ରେ ଅର୍ଥନୈତିକ ଅଭିବୃଦ୍ଧି  ହ୍ରାସ ଆକଳନ କରାଯାଉଥିବା ବେଳେ କୃଷି ଏବଂ ଆନୁସଙ୍ଗିକ କ୍ଷେତ୍ରରେ ଅଭିବୃଦ୍ଦି ହାର ୭.୬୧ ପ୍ରତିଶତ ରହିବ ବୋଲି ଆକଳନ କରାଯାଉଛି । ରାଜ୍ୟ ଅର୍ଥନୀତିକୁ କୃଷି ଓ ଆନୁସଙ୍ଗିକ କ୍ଷେତ୍ରର ସବୁଠୁ ବେଶି ଅବଦାନ ରହୁଥିବା ବେଳେ ଏହା ଅଭିବୃଦ୍ଧିକୁ ପ୍ରଭାବିତ କରିବ । ସେହିପରି ରାଜ୍ୟର ଶିଳ୍ପ କ୍ଷେତ୍ରରେ ଅଭିବୃଦ୍ଧି ହାର ୪.୮୮ ପ୍ରତିଶତ ଏବଂ ସେବା କ୍ଷେତ୍ରରେ ଅଭିବୃଦ୍ଧି ହାର ୬.୮୪ ପ୍ରତିଶତ ରହିବ ବୋଲି ଅର୍ଥନୈତିକ ସର୍ଭେ ରିପୋର୍ଟରେ ଆକଳନ କରାଯାଇଛି । 

   Related Posts