scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଉତ୍ତରାଖଣ୍ଡରେ ଭୂମିକମ୍ପ ଝଟକା; ବିଳମ୍ବିତ ରାତିରେ ଥରି ଉଠିଲା ଉତ୍ତରକାଶୀ ଜିଲ୍ଲା, ରିକ୍ଟର ସ୍କେଲରେ ତିବ୍ରତା ୩.୧

19/12/2022 at 8:30 AM

ଡେରାଡୁନ୍: ଉତ୍ତରାଖଣ୍ଡରେ ଭୂମିକମ୍ପ ଝଟକା ଲାଗିଛି । ଉତ୍ତରାଖଣ୍ଡର ଉତ୍ତରକାଶୀ ଜିଲ୍ଲାରେ ଭୂକମ୍ପ ଅନୁଭୂତ ହୋଇଛି । ରିକ୍ଟର ସ୍କେଲରେ ଏହାର ତିବ୍ରତା ୩.୧ ରେକର୍ଡ କରାଯାଇଛି। ସେହିପରି ନେପାଳରେ ମଧ୍ୟ ରବିବାର ବିଳମ୍ବିତ ରାତିରେ ଭୂମିକମ୍ପ ଝଟକା ଅନୁଭବ କରିଛନ୍ତି ଲୋକ ।

ନ୍ୟାସନାଲ ସିସ୍‌ମୋଲୋଜି ସେଣ୍ଟରର ସୂଚନା ଅନୁଯାୟୀ, ଉତ୍ତରାଖଣ୍ଡର ଉତ୍ତରକାଶୀ ଜିଲ୍ଲାରେ ମୃଦୁ ଭୂମିକମ୍ପ ହୋଇଛି । ରବିବାର ରାତି ପ୍ରାୟ ୧.୫୦ ମିନିଟରେ ଥରି ଉଠିଥିଲା ଉତ୍ତରକାଶୀ ଜିଲ୍ଲା । ୩.୧ ତିବ୍ରତା ସହିତ ଭୂକମ୍ପ ଅନୁଭୂତ ହୋଇଛି । ଭୂମିକମ୍ପର କେନ୍ଦ୍ରସ୍ଥଳୀ ଭୂପୃଷ୍ଠରୁ ୫ କିଲୋମିଟର ଭିତରେ ରହିଛି । ଭୂମିକମ୍ପ ଅନୁଭୂତ ହେବା ପରେ ଭୟଭୀୟ ହୋଇପଡ଼ିଥିଲେ ସ୍ଥାନୀୟ ଲୋକ । ଏଯାଏଁ କୌଣସି କ୍ଷୟକ୍ଷତି ସୂଚନା ମିଳିନାହିଁ । ଡିସେମ୍ବର ୧୬ ତାରିଖରେ ହିମାଚଳ ପ୍ରଦେଶର କିନୌର ଜିଲ୍ଲାରେ ଭୂମିକମ୍ପ ଝଟକା ଲାଗିଥିଲା ।

ନେପାଳରେ ମଧ୍ୟ ଭୂମିକମ୍ପ ଝଟକା ଲାଗିଛି । ରବିବାର ରାତିରେ ଥରି ଉଠିଲା କାଠମାଣ୍ଡୁର ଆଖପାଖ ଅଞ୍ଚଳ । ରିକ୍ଟର ସ୍କେଲରେ ଏହାର ତିବ୍ରତା ୪.୫ ରେକର୍ଡ କରାଯାଇଛି । ଏହାର କେନ୍ଦ୍ରସ୍ଥଳୀ କାଠମାଣ୍ଡୁ ଠାରୁ ୫୦ କିଲୋମିଟର ରହିଛି ।

   Related Posts