ନୂଆଦିଲ୍ଲୀ: ୭୭ ବର୍ଷ ପୁରୁଣା ସଂଗଠନ ଜାତିସଂଘକୁ ନୂଆ ରୂପ ଦେବାର ଆବଶ୍ୟକତା ରହିଛି ବୋଲି କହିଛନ୍ତି ବିଦେଶ ମନ୍ତ୍ରୀ ଏସ.ଜୟଶଙ୍କର । ସେ କହିଛନ୍ତି ଯେ ମିଳିତ ଜାତିସଂଘରେ ବଡ଼ ପରିବର୍ତ୍ତନ ଉପରେ ଜୋର ଦେବା ନୂଆଦିଲ୍ଲୀର ବିଦେଶ ରଣନୀତିର ଗୁରୁତ୍ୱପୂର୍ଣ ଅଂଶ । ଅଷ୍ଟ୍ରିଆର ରାଜଧାନ ଭିୟନାରେ ନିଜ ସମ୍ୱୋଧନରେ କେନ୍ଦ୍ରମନ୍ତ୍ରୀ ଏହି ଟିପ୍ପଣୀ କରିଛନ୍ତି । ଏହି ସମୟରେ ପୂର୍ବତନ କେନ୍ଦ୍ରମନ୍ତ୍ରୀ ସୁଷମା ସ୍ୱରାଜଙ୍କ ଉଦ୍ୟମକୁ ସେ ପ୍ରଶଂସା କରିଥିଲେ ।
ଜୟଶଙ୍କର କହିଛନ୍ତି, 'ପରିବର୍ତ୍ତନର ଆବଶ୍ୟକତା ରହିଛି । ଦୁନିଆର ଏକ ବଡ଼ ଅଂଶ ଏହା ସ୍ୱୀକାର କରୁ ନାହିଁ ଯେ ଜାତିସଂଘ ନିରପେକ୍ଷ ଭାବେ ସ୍ୱର ଉଠାଉଛି । ୟୁଏନଏସସିରେ ଅନେକ ଦିନରୁ ପଡିରହିଥିବା ସୁଧାର ପାଇଁ ହୋଇଥିବା ପ୍ରୟାସରେ ଭାରତ ସବୁଠୁ ଆଗରେ ରହିଛି । ସୁରକ୍ଷା ପରିଷଦର ସ୍ଥାୟୀ ସଦସ୍ୟ ହେବା ପାଇଁ ଭାରତ ଯୋଗ୍ୟ'।
ଜୟଶଙ୍କର କହିଛନ୍ତି, 'ସମସ୍ୟା ଏହା ଯେ ଯେଉଁମାନେ ପ୍ରଭାବଶାଳୀ, ସ୍ପଷ୍ଟ ରୂପେ ନିଜର ପ୍ରଭାବ କମ ହେବା ଦେଖିବାକୁ ଚାହୁଁ ନାହାନ୍ତି । ଏପରି ସ୍ଥିତିରେ ସେମାନଙ୍କୁ ପରିବର୍ତ୍ତନ ପାଇଁ କିପରି ରାଜି କରାଇ ପାରିବୁ, ଯେଉଁମାନେ ନିଜର ଲାଭ ପାଇଁ ପୁରୁଣା ପ୍ରଣାଳୀକୁ ଜାବୁଡି ଧରିଛନ୍ତି'।
