LIFESTYLE
suno sunao
Aao Nxt
LIFESTYLE_728X90
suno sunao
AAo728x90 (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, odisha news,khabar odisha,news in oriya

ପ୍ରତି ୨୫୦ ଲୋକରେ ଜଣେ କରୋନା ପଜିଟିଭ୍, ମୃତ୍ୟୁସଂଖ୍ୟା ଟପିଲାଣି ୧୦ ଲକ୍ଷ

28/09/2020 at 4:39 PM

ନୁଆଦିଲ୍ଲୀ, ୨୮|୦୯  :  ବିଶ୍ୱରେ ଥମୁନି କରୋନା ଆତଙ୍କ । ପ୍ରତିଦିନ ଲକ୍ଷଲକ୍ଷ ସଂକ୍ରମିତ ଚିହ୍ନଟ ହେଉଛନ୍ତି । ତେବେ ପ୍ରତି ୨୫୦ ବ୍ୟକ୍ତିଙ୍କ ମଧ୍ୟରୁ ଜଣେ ବ୍ୟକ୍ତି କରୋନା ପଜିଟିଭ୍ ବୋଲି ଏକ ରିପୋର୍ଟରେ ପ୍ରକାଶ ପାଇଛି । ଏବେ ବିଶ୍ୱରେ କରୋନା ମାମଲା ୩ କୋଟି ୩୩ ଲକ୍ଷରୁ ଅଧିକ । ଯାହା ପୃଥିବୀର ମୋଟ୍ ଜନସଂଖ୍ୟାର ୦.୪ ପ୍ରତିଶତ ।

ଆଇଏଏନଏସର ଖବର ଅନୁସାରେ, ସେପ୍ଟେମ୍ବର ୨୦୨୦ ସୁଦ୍ଧା ବିଶ୍ୱର ଜନସଂଖ୍ୟା ୭୮୦ କୋଟିରେ ପହଁଚିଯିବ । ସଂଯୁକ୍ତ ରାଷ୍ଟ୍ରର ରିପୋର୍ଟରେ ଏନେଇ କୁହାଯାଉଛି । ବିଶ୍ୱରେ କରୋନା ସକ୍ରିୟ ମାମଲା ଦ୍ରୁତ ଗତିରେ ବଢିଚାଲିଛି । ଗତ ସପ୍ତାହରେ ନୂଆ ୫ ଲକ୍ଷ ସକ୍ରିୟ ମାମଲା ସାମ୍ନାକୁ ଆସିଛି । ମୋଟ୍ ମାମଲାର ଏବେ ୨୩.୩ ପ୍ରତିଶତ ସକ୍ରିୟ କେସ୍ ରହିଛି । ଗତ ୭ଦିନ ମଧ୍ୟରେ ପ୍ରାୟ ୩୭ ହଜାର ଆକ୍ରାନ୍ତଙ୍କ ମୃତ୍ୟୁ ହୋଇଥିବା ବେଳେ ମୋଟ୍ ମୃତ୍ୟୁସଂଖ୍ୟା ୧୦ ଲକ୍ଷ ଟପିବାକୁ ବସିଲାଣି ।

ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ଚେତାବନୀ ଦେଇଛି ଯେ, ଭାକସିନ୍ ନଆସିବା ଯାଏଁ କରୋନା ମୃତକଙ୍କ ସଂଖ୍ୟା ୨୦ ଲକ୍ଷ ପହଁଚିପାରେ । ଚୀନରେ କରୋନାର ପ୍ରଥମ ମାମଲା ଆସିବା ପରେ କରୋନା ମୃତକଙ୍କ ମାମଲା ଦ୍ରୁତ ଗତିରେ ବଢି ୧୦ ଲକ୍ଷର ନିକଟତର ହୋଇଛି ।

ଜନ୍ ହପକିଙ୍ଗସ୍ ୟୁନିଭର୍ସିଟି ଅନୁସାରେ, ଆମେରିକା ବିଶ୍ୱରେ କରୋନାରେ ସର୍ବାଧିକ ପ୍ରଭାବିତ ହୋଇଥିବା ଦେଶ । ଏଠାରେ ମହାମାରୀ ୨ଲକ୍ଷରୁ ଅଧିକ ଜୀବନ ନେଇଛି । ଏହାସହ ମୋଟ୍ ସଂକ୍ରମିତଙ୍କ ମାମଲା ୭୦,୩୨,୫୨୪ରେ ପହଁଚିଛି । କରୋନା ମାମଲାରେ ଭାରତ ଦ୍ୱିତୀୟ ସ୍ଥାନରେ ରହିଛି । ଏଠାରେ ପ୍ରାୟ ୬୦ ଲକ୍ଷ ସଂକ୍ରମିତ ହୋଇଥିବା ବେଳେ ୯୨ ହଜାରରୁ ଅଧିକ ଆକ୍ରାନ୍ତ ପ୍ରାଣ ହରାଇଛନ୍ତି  ।

   Related Posts