ଭୁବନେଶ୍ବର ୨୧|୧୦: ‘ଭୋଗ୍’ ଇଣ୍ଡିଆ ମ୍ୟାଗାଜିନର କଭର ପେଜ୍ ରେ ସ୍ଥାନ ପାଇଛନ୍ତି ଦୌଡରାଣୀ ଦୂତୀ ଚାନ୍ଦ । ଚଳିତବର୍ଷର ଶ୍ରେଷ୍ଠ ଖେଳାଳି ଭାବେ ‘ଭୋଗ୍’ ଇଣ୍ଡିଆ ଦୂତୀଙ୍କୁ ସମ୍ମାନିତ କରିଛି । ପ୍ରଥମ ଓଡିଆ ଭାବେ ସେ ଏହି ସମ୍ମାନ ସାଉଣ୍ଟିଛନ୍ତି । ଏହି ମ୍ୟାଗାଜିନ୍ ଦୂତୀଙ୍କୁ ଚଳିତ ବର୍ଷର ଶ୍ରେଷ୍ଠ ମହିଳା ଭାବେ ଚିତ୍ରଣ କରିଛି ।
{"id":172712}![](https://www.prameyanews7.com/wp-content/uploads/2019/10/WhatsApp-Image-2019-10-21-at-3.34.29-PM.jpeg)
ଏନେଇ ଆୟୋଜିତ ଉତ୍ସବରେ ଚଳିତବର୍ଷର ଶ୍ରେଷ୍ଠ ଖେଳାଳି ଭାବେ ଭୋଗ୍ ଇଣ୍ଡିଆ ଦୂତୀଙ୍କୁ ସ୍ବତନ୍ତ୍ର ଭାବେ ସମ୍ମାନିତ କରିଛି । ଆୟୋଜିତ ଏହି ଉତ୍ସବରେ ଦୂତୀଙ୍କ ସହ ବଲିଉଡ୍ ଅଭିନେତ୍ରୀ କ୍ୟାଟ୍ରିନ୍ କୈଫ୍, କଳକି କୋଚେଲିନ୍, ଅନୁଷ୍କା ଶର୍ମା, ଲୋକପ୍ରିୟ ଅଭିନେତା ରଣବୀର ସିଂହ, ନିର୍ଦ୍ଦେଶକ କବୀର ଖାନ୍ ପ୍ରମୁଖ ଉପସ୍ଥିତ ଥିଲେ ।
{"id":172710}![](https://www.prameyanews7.com/wp-content/uploads/2019/10/WhatsApp-Image-2019-10-21-at-3.34.30-PM.jpeg)
ଦୂତୀଙ୍କୁ ଅଭିନେତା ରାହୁଲ ବୋଷ ଏହି ଆୱାର୍ଡ ପ୍ରଦାନ କରିଥିଲେ । ଉତ୍ସବରେ ଉପସ୍ଥିତ ସମସ୍ତେ ଦୂତୀଙ୍କ ସହ କିଛି ସମୟ ବିତାଇବା ସହ ତାଙ୍କ ସହ ଏକାଧିକ ଫଟୋ ଉଠାଇଥିଲେ ।
{"id":172711}![](https://www.prameyanews7.com/wp-content/uploads/2019/10/WhatsApp-Image-2019-10-21-at-3.34.30-PM-1.jpeg)
ସୂଚନାଯୋଗ୍ୟ ଯେ, ‘ଭୋଗ୍’ ଇଣ୍ଡିଆ ହେଉଛି ଏକ ସାପ୍ତାହିକ ମ୍ୟାଗାଜିନ୍। ଏହି ମ୍ୟାଗାଜିନ୍ ର ଆନ୍ତର୍ଜାତିକ ସ୍ତରରେ ୧୭ଟି ଏଡିସନ ରହିଛି । ଅନେକ ସେଲିବ୍ରିଟି ଏହି ମ୍ୟାଗାଜିନର କଭରରେ ଆସିବା ପାଇଁ ଇଚ୍ଛୁକ ଥାଆନ୍ତି । ସେଠାରେ ଦୂତୀ ସ୍ଥାନ ପାଇଥିବାରୁ ସେ ବହୁତ ଖୁସି ଅଛନ୍ତି ।