କଟକ ୨୪/୦୨: ସହରର ଲୋକେ ଧୁଳିଵାଲି ଧୁଆଁରେ କଲଵଲ ହେଵେ ଆଉ ସିଏମ୍‌ସି । ଅଧିକାରୀ ଏସି ରୁମରେ ଆରାମରେ ଶୋଇଵେ । ଏହା ଵରଦାସ୍ତ କରାଯିଵ ନାହିଁ । ଏଭଳି ଆକ୍ରୋଶଭରା ଅଭିଯୋଗ କରି କଟକ ସୁଭାଷ ସଙ୍ଗଠନ କର୍ମକର୍ତ୍ତା ମାନେ ରାସ୍ତାରୁ ଵସ୍ତା ଵସ୍ତା ଵାଲି ଉଠାଇ ସିଏମ୍ ସି ଅଫିସରେ ଅଜାଡି ଦେଇଛନ୍ତି ।

ପୋଲିସ ମୁତୟନ ଥିବା ସତ୍ତ୍ୱେ ସୁଭାଷ ସଙ୍ଗଠନର କର୍ମକର୍ତ୍ତା ମାନେ ଚକମା ଦେଇ ସି ଏମ୍ ସି ଭିତରେ ପଶି ଵାଲି ଗଦା କରିଦେଇଥିଲେ । ଘଟଣାକୁ ନେଇ ପୋଲିସ ଓ ସୁଭାଷ ସଙ୍ଗଠନ କର୍ମକର୍ତ୍ତା ଙ୍କ ମଧ୍ୟରେ ଉଚ୍ଚଵାଚ ଓ ହାତାହାତି ମଧ୍ୟ ହୋଇଥିଲା । ସେପଟେ ସି ଏମ୍ ସି କମିଶନର ସ୍ବୀକାର କରିଛନ୍ତି ଯେ,ସହରର ରାସ୍ତାଘାଟରେ ଯେତିକି ଵାଲି ଧୁଳି ଜମିଛି ତାହା ଚିନ୍ତାର କାରଣ ।

ସିଏମ୍ ସି ପାଖରେ ଥିବା ସୁଇପିଙ୍ଗ ମେସିନର କ୍ଷମତା ଖୁଵ୍ କମ୍ ଥିଵାରୁ, ଏହା ସଠିକ ଭାବେ ଵାଲି ସଫା କରିପାରୁ ନାହିଁ ଵୋଲି କମିଶନର କହିଛନ୍ତି । ଏଵେ ତିନୋଟି ଉଚ୍ଚ କ୍ଷମତାସମ୍ପନ୍ନ ସୁଇପିଙ୍ଗ ମେସିନ ସହ ଟିପର,ଵଵକ୍ୟାଟ ଭଳି ୧୨ଟି ମେସିନ ଆଣିବା ପାଇଁ ଟେଣ୍ଡର ହୋଇଛି ଓ ସପ୍ତାହକ ଭିତରେ ଏହି ମେସିନ ପହଞ୍ଚିଲେ ରାସ୍ତାଘାଟରୁ ଵାଲି ସଫା କରିବା ସହଜ ହେଵ ଵୋଲି କମିଶନର କହିଛନ୍ତି। ଏହା ସହ ଵାଲିଟ୍ରକ ଯୋଗୁଁ ଏଭଳି ଅଵସ୍ଥା ହେଉଥିଵାରୁ ଏ ନେଇ ଉପଜିଲ୍ଲାପାଳ ଓ ତହସିଲଦାରଙ୍କ ସହ ଵୈଠକ ହୋଇଛି ଵୋଲି କମିଶନର ସୂଚନା ଦେଇଛନ୍ତି ।