ଫୁଲବାଣୀ ୩୧/୧: ନାବାଳିକା ଦୁଷ୍କର୍ମ ମାମଲାର ଶୁଣାଣି କରି ଫୁଲବାଣୀ ପୋକସୋ କୋର୍ଟ ଦଣ୍ଡାଦେଶ ଶୁଣାଇଛନ୍ତି । ସାକ୍ଷ୍ୟ ପ୍ରମାଣ ସାଙ୍ଗକୁ ପୋଲିସ ରିପୋର୍ଟ ପୀଡିତା ବୟାନକୁ ଭିତ୍ତି କରି ବିଚାରପତି ସଂଜିତ କୁମାର ବେହେରା ଅଭିଯୁକ୍ତ ଫେରିଵାଲାକୁ ଦଶ ବର୍ଷ ସଶ୍ରମ କାରାଦଣ୍ଡ ସହ ୨୫ ହଜାର ଟଙ୍କା ଜରିମାନା ଆଦେଶ ଦେଇଛନ୍ତି ।
ଅଭିଯୁକ୍ତ ଫେରିବାଲା ଜଣଙ୍କ ଉତ୍ତରରପ୍ରଦେଶ ଫରିଦାପୁର ଅଂଚଳର ବସିର ସାହା । ଜରିମାନା ଅନାଦେୟ ଆଉ ଅଧିକା ଦେଢ଼ ବର୍ଷ କାରାଦଣ୍ଡ ଆଦେଶ ଦେଇଛନ୍ତି କୋର୍ଟ । ଏଥିସହ ପୀଡିତାକୁ ୬ ଲକ୍ଷ କ୍ଷତିପୂରଣ ଅର୍ଥ ଦେବାକୁ ଆଦେଶ ଦେଇଛନ୍ତି ପୋକସୋ କୋର୍ଟ ।
ସୂଚନାଥାଉକି, ୨୦୨୯ ଫେବ୍ରୁଆରୀ ୨୨ରେ ଅଭିଯୁକ୍ତ ଦରି ପାଲ ବିକ୍ରୀ କରିବାକୁ ଫିରିଙ୍ଗିଆ ଥାନା ଅଧୀନ ଏକ ଗାଁକୁ ଯାଇଥିଲେ । ସେଠାରେ ଜଣେ ଦିବ୍ୟାଙ୍ଗ ନାବାଳିକାଙ୍କ ଘରେ ପଶି ପାଲ ରଖିବାକୁ ପଚାରିଥିଲେ। ହେଲେ ଘରେ କେହି ନାହାଁନ୍ତି, ପାଲ ରଖି ବୁନି ବୋଲି କହିଥିଲେ ନାବାଲିକା ଜଣଙ୍କ ।
ଏହାର ଫାଇଦା ନେଇ ତେବେ ପିଡୀତାଙ୍କୁ ପାଣି ଗ୍ଲାସ ଆଣିବାକୁ କହିଥିଲେ । ଆଉ ପୀଡିତା ଜଣଙ୍କ ପାଣି ଆଣିବାକୁ ଗଲାବେଳେ ବସିର ଘରେ ପଶି ତାଙ୍କୁ ଦୁଷ୍କର୍ମ କରିଥିଲା । ପୀଡିତା ପାଟିକରିବାରୁ ବସିର ସେଠାରୁ ଫେରାର ହୋଇଯାଇଥିଲା । ହେଲେ ଗ୍ରାମବାସି ଓ ପୀଡିତା ପରିବାର ମିଶି ତାର ଜଣେ ସହଯୋଗୀକୁ କାବୁ କରିଥିଲେ।
ଏ ନେଇ ପୀଡିତା ପରିବାର ଲୋକେ ଫିରିଙ୍ଗିଆ ଥାନାରେ ଏତଲା ଦେଇଥିଲେ । ଫିରିଙ୍ଗିଆ ଥାନା ପୋଲିସ ୧୫/୧୯ରେ ମାମଲା ରୁଜ୍ଜୁ କରି ଅଭିଯୁକ୍ତ ବସିର ସାହାକୁ ଗିରଫ କରିଥିଲା । ଏବେ ଏହି ମାମଲାର ବିଚାର କରି ପୋକସୋ ବିଚାର ପତି ଉପରୋକ୍ତ ରାୟ ଶୁଣାଇଛନ୍ତି ।
