ଆଠମଲ୍ଲିକ ୦୫।୧୨: ଅନୁଗୁଳ କିଶୋରନଗର ଥାନା ଜାତୀୟ ରାଜପଥ ୫୫ର ଶୁସବ ଢାବା ନିକଟରେ ଦୁର୍ଘଟଣା ଘଟିଛି । ଅଜଣା ଗାଡି ଧକ୍କାରେ ଜଣେ ବାଇକ ଚାଳକଙ୍କ ମୃତ୍ୟୁ ହୋଇଛି । ମୃତକ ବଇଣ୍ଡା ଅଞ୍ଚଳର ଶେଷଦେବ ମାଝି ବୋଲି ଜଣାପଡିଛି । ଘଟଣାରେ ପୋଲିସ ପହଞ୍ଚି ଛାନ୍ଭିନ୍ ଆରମ୍ଭ କରିଛି ।
ଖବର ଅନୁଯାୟୀ, ମୃତକ ବାଇକ ଆରୋହୀ ବାମୁରରୁ ବଇଣ୍ଡା ଯାଉଥିବା ବେଳେ ପଛପଟ ଏକ ଟ୍ରକ ଆସି ତାଙ୍କୁ ଧକ୍କା ଦେଇଥିଲା । ଯାହାଫଳରେ କି ଘଟଣାସ୍ଥଳରେ ବାଇକ ଆରୋହୀ ପଡିଯାଇଥିଲେ । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଗୁରୁତର ବ୍ୟକ୍ତିଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରିଥିଲେ । କିଶୋରନଗର ମେଡିକାଲରେ ଚିକିତ୍ସାଧୀନ ଅବସ୍ଥାରେ ଶେଷଦେବଙ୍କ ମୃତ୍ୟୁ ହୋଇଯାଇଛି । ସେପଟେ ଦୁର୍ଘଟଣା ସଂପର୍କରେ ଖବର ପାଇ ପରିବାର ଲୋକ ଓ ପୋଲିସ ମେଡିକାଲରେ ପହଞ୍ଚିଛନ୍ତି ।
