ଭଦ୍ରକ, ୨୪|୦୮: ବେଧଡକ ଚାଲିଛି ନକଲି ଜର୍ଦ୍ଦା କାରବାର । ଲଗାତାର ଚଢାଉ ପରେ ବି ବନ୍ଦ ହେଉନି ନକଲି ଜର୍ଦ୍ଦା କାରବାର । ଏହି କାରବାରକୁ ବନ୍ଦ କରିଵାକୁ ଭଦ୍ରକ ପୋଲିସ ଚଢ଼ାଉ ଜୋରଦାର କରୁଛି । ଏହି ରାକେଟ ଧରିବାକୁ ଭଦ୍ରକ ପୋଲିସ ଜାଲ ବିଛାଉଛି । ଏହି ଜାଲରେ ପ୍ରତିଦିନ ଫସୁଛନ୍ତି ନକଲି ଜର୍ଦ୍ଦା ବେପାରୀ ।ଧରାଯାଉଛି ଲକ୍ଷାଧିକ ଟଙ୍କାର ଜର୍ଦ୍ଦା ଓ ଗାଡି ।
ସୋମବାର ଗ୍ରାମାଞ୍ଚଳ ପୋଲିସ ସୁଇଫ୍ଟ କାରରେ ନକଲି ଜର୍ଦ୍ଦା ଚାଲାଣ ହେଉଥିବା ବେଳେ ଧରିଛି । ଅର୍ଣ୍ଣପାଳ ଗଜେନ୍ଦ୍ରପୁର ନିକଟରେ ଗାଡିକୁ ଧରିଛି ପୋଲିସ । ଜର୍ଦ୍ଦା ବୋଝେଇ ଓଡି୨୨ଏମ-୯୭୩ ନମ୍ବର ଥିବା ସୁଇଫ୍ଟ କାରକୁ ଜବତ ମଧ୍ୟ କରାଯାଇଛି । ପୋଲିସକୁ ଦେଖି କାରରେ ଥିବା ଡ୍ରାଇଭର ଓ ସହଯୋଗୀ ମାନେ ଫେରାର ହୋଇଯାଇଥିବାର ସୁଚନା ମିଳିଛି ।
ତେବେ ପୋଲିସ କାରକୁ ଥାନାକୁ ଅଣିବା ସହିତ କାରରେ ଥିବା ଲକ୍ଷାଧିକ ଟଙ୍କାର ନକଲି ଜର୍ଦ୍ଦା ଜବତ କରିଛି । ଏହାସହ ଫେରାର ହୋଇଥିବା ଅଭିଯୁକ୍ତଙ୍କୁ ଧରିବା ପାଇଁ ପ୍ରୟାସ କରୁଛି ।