ବାଲିପାଟଣା: ପାଣି ଟାଙ୍କି ଉପରକୁ ଚଢି ଗଲେ ମଦ୍ୟପ ଯୁବକ । ମଦ୍ୟପ ଯୁବକ ଉଦ୍ଧାର କରିବାକୁ ଅଗ୍ନିଶମ ବାହିନୀକୁ ନାକେଦମ୍ ହେବାକୁ ପଡ଼ିଛି । ଶନିବାର ଅପରାହ୍ନରେ ବାଲିଅନ୍ତା ଥାନା ଯଶୁଆପୁର ଗ୍ରାମରେ ଥିବା ପାଣି ଟାଙ୍କି ଉପରେ ଗ୍ରାମର ଟୁକୁ ଭୋଇ ଚଢିଯାଇଥିଲେ । ବିପଦପୂର୍ଣ୍ଣ ଭାବେ ଟୁକୁ ଟାଙ୍କର ଉପରେ ବୁଲିବା ସହ ଡେଇଁ ପଡିବାକୁ ସ୍ଥାନୀୟ ଲୋକଙ୍କୁ ଧମକ ଦେଇଥିଲେ । ଯେତେ ଯିଏ ବୁଝାଇଲେ ମଧ୍ୟ ଟୁକୁ ତଳକୁ ଓହ୍ଲାଇ ନ ଥିଲେ । ପରେ ବାଲିଅନ୍ତା ଅଗ୍ନିଶମ ବାହିନୀକୁ ଖବର ଦିଆଯାଇଥିଲା । ଖବର ପାଇ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଁଞ୍ଚି ପ୍ରାୟ ଏକ ଘଣ୍ଟା ପରିଶ୍ରମ କରି ଟୁକୁକୁ ଉଦ୍ଧାର କରିଥିଲେ।
ଓଡ଼ିଶାରେ ବିଜେଡି ସହ କାହିଁକି ମେଣ୍ଟ କଲାନି ବିଜେପି?...