ବାରିପଦା ୧୫।୨: ନିଶାସକ୍ତ ଅବସ୍ଥାରେ କର୍ତ୍ତବ୍ୟରତ ପୋଲିସର ଉନ୍ମତ କାଣ୍ଡ । ଏଭଳି ଘଟଣା ଦେଖିବାକୁ ମିଳିଛି ମୟୁରଭଂଜ ଜିଲ୍ଲା ବଡସାହି ଥାନା ହିଙ୍ଗୁଳା ଯାତ୍ରାରେ । ହିଙ୍ଗୁଳା ଯାତ୍ରାରେ ଲକ୍ଷାଧିକ ଭକ୍ତଙ୍କ ସମାଗମ ହୋଇଥାଏ । ଏହି ଯାତ୍ରାକୁ ଶୃଙ୍ଖଳିତ କରିବାକୁ ପ୍ଲାଟୁନ ପ୍ଲାଟୁନ ପୋଲିସ ମୁତୟନ ହୋଇଥାନ୍ତି । ହେଲେ ଖୋଦ୍ ପୋଲିସ ଏଠାରେ ବିଶୃଙ୍ଖଳିତ ଆଉ ନିୟମ କାନୁନକୁ ଦଳି ମକଚିଦେଇ ଯାତ୍ରାକୁ ଆସିଥିବା ଭକ୍ତମାନଙ୍କୁ ଅସଭ୍ୟ ଭାଷାରେ ଗାଳିଗୁଲଜ କରିବାକୁ ନେଇ ତୀବ୍ର ନିନ୍ଦା କରାଯାଇଛି ।
ଅନ୍ୟପଟେ ପୋଲସ କର୍ମଚାରୀ ଜଣଙ୍କ କେତେବେଳେ ଖାକିକୁ ଖୋଲୁଥାନ୍ତି ତ କେତେବେଳେ ଖାକିକୁ ଖୋଲି ତଳେ ଫୋପାଡ଼ି ଦେଉଛନ୍ତି । ସେଠାରେ ଉପସ୍ଥିତ ଥିବା ଲୋକମାନେ ମଦ୍ୟପ ପୋଲିସ ଜଣଙ୍କୁ ବୁଝାସୁଝା କରିବା ସହ ଗାଳିଗୁଲଜ ନକରିବାକୁ କହିବାର ଦୃଶ୍ୟ ଏବେ ଭାଇରାଲ ହୋଇଛି । ବେତନଟୀ ଏସ୍.ଡି.ପି.ଓ ଲଳିତ ପଟ୍ଟନାୟକ ଏଭଳି ଘଟଣା ଘଟିଥିବା ସ୍ବୀକାର କରିଛନ୍ତି। ଘଟଣାର ତଦନ୍ତ କରାଯାଇ ଉପଯୁକ୍ତ କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ ପ୍ରତିଶୃତି ଦେଇଛନ୍ତି।
