ବାଲିପାଟଣା, ୦୧|୦୯: ପୋଖରୀରେ ବୁଡ଼ି ଦୁଇ ବର୍ଷର ଶିଶୁକନ୍ୟା ମୃତ । ଖୋର୍ଦ୍ଧା ଜିଲ୍ଲା ବାଲିଅନ୍ତା ଥାନା ଅନ୍ତର୍ଗତ ବାୟାଁପଦା ଗ୍ରାମରେ ଘଟିଛି ଏଭଳି ଅଘଟଣ । ମୃତକ ହେଉଛନ୍ତି ବାୟାଁପଦା ଗ୍ରାମର ଶରତ ମଲ୍ଲୀକଙ୍କ ଦୁଇ ବର୍ଷର ଝିଅ ପରୀ ମଲ୍ଲିକ ।
ସୂଚନାନୁସାରେ, ପରୀ ଖେଳୁଥିବା ସମୟରେ ଘର ପାର୍ଶ୍ଵରେ ଥିବା ଏକ ପୋଖରୀରେ ଖସି ପଡ଼ିଥିଲେ । ପରେ ଗ୍ରାମର କିଛି ଲୋକ ପୋଖରୀରେ ଏକ ଶିଶୁ ଭାସୁଥିବା ଦେଖିଥିଲେ । ତୁରନ୍ତ ସେମାନେ ଶିଶୁଟିକୁ ବାଳକାଟି ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରକୁ ନେଇଥିଲେ । କିନ୍ତୁ ଡାକ୍ତର ଶିଶୁଟିକୁ ମୃତ ଘୋଷଣା କରିଥିଲେ । ଶିଶୁଟିର ମୃତ୍ୟୁ ପରେ ଗ୍ରାମର ଶୋକାକୁଳ ପରିବେଶ ସୃଷ୍ଟି ହୋଇଛି ।
