କଣ୍ଟାବାଞ୍ଜୀ ୦୮/୦୩: ହୋଲିରେ ଆସିଲା ଦୁଃଖଦ ଖବର । ପାଣିରେ ବୁଡ଼ି ଜଣେ ନାବାଳକର ମୃତ୍ୟୁ ହୋଇଛି । ମୃତ ନାବାଳକ ହେଉଛି କରନ ମହାନନ୍ଦ ଓ ତାର ବୟସ ୧୨ ବର୍ଷ ବୋଲି ଜଣାପଡିଛି । ବେଲପଡ଼ା ଥାନା ପଣ୍ଡରିଯୋର ପଞ୍ଚାୟତ ମୁଣ୍ଡାପରା ଗାଁର ସଦାନନ୍ଦ ମହାନନ୍ଦଙ୍କ ପୁଅ କରନ ଗାଁ ପାଖ ଏକ ପୋଖରୀକୁ ଗାଧେଇବାକୁ ଯାଇଥିଲେ ।
ଅସାବଧାନତା ଯୋଗୁ କରନଙ୍କ ପାଣିରେ ବୁଡ଼ି ଯାଇଥିଲା । ପରିବାର ଲୋକେ ଖୋଜାଖୋଜି କରିବା ପରେ ପୋଖରୀ ଭିତରେ ଭାସୁଥିବା ଦେଖିବାକୁ ପାଇଥିଲେ । ବେଲପଡା ପୋଲିସ ମୃତଦେହକୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ କଣ୍ଟାବାଞ୍ଜି ଡାକ୍ତରଖାନାକୁ ଆଣିଛି । କରନର ମୃତ୍ୟୁ ପରେ ସାରା ମୁଣ୍ଡାପରା ଗାଁରେ ଶୋକର ଛାୟା ଖେଳିଯାଇଛି ।
