କାଶ୍ମୀର: ଜାମ୍ମୁ କାଶ୍ମୀରର ସାମ୍ୱା ଜିଲ୍ଲାରେ ଏକ ସନ୍ଦିଗ୍ଧ ଡ୍ରୋନ ଦେଖାଯିବା ପରେ ସୁରକ୍ଷାକର୍ମୀ ଆକ୍ସନକୁ ଆସିଛନ୍ତି । ପୋଲିସ ଏବଂ ସିଆରପିଏଫର ମିଳିତ ଟିମ ଅନ୍ତରାଷ୍ଟ୍ରୀୟ ସୀମାର ବହୁ ଗାଁରେ ସର୍ଚ୍ଚ ଅପରେସନ ଆରମ୍ଭ କରିଛନ୍ତି । ଯେଉଁ ସ୍ଥାନରେ ସନ୍ଦିଗ୍ଧ ଡ୍ରୋନ ଦେଖିବାକୁ ମିଳିଥିଲା ସେହି ଅଞ୍ଚଳରେ ସୁରକ୍ଷାକର୍ମୀଙ୍କ ବ୍ୟାପକ ମୁତୟନ କରାଯାଇଛି । ତେବେ ବର୍ତ୍ତମାନ ସୁଦ୍ଧା କୌଣସି ଆପତ୍ତିଜନତ ବସ୍ତୁ ମିଳି ନାହିଁ ।
ଶନିବାରଠାରୁ ଆରମ୍ଭ ହୋଇଥିବା ରବିବାର ଯାଏଁ ଚାଲିଛି । କିନ୍ତୁ ବର୍ତ୍ତମାନ ସୁଦ୍ଧା କୌଣସି ଆପତ୍ତିଜନକ ବସ୍ତୁ ମିଳି ନଥିବା ପୋଲିସ ଆଇଜି (ଅପରେସନ) ଗରୁ ରାମ ଭାରଦ୍ୱାଜ ସୂଚନା ଦେଇଛନ୍ତି । ସେ କହିଛନ୍ତି, ସନ୍ଦିଗ୍ଧ ଡ୍ରୋନ ବାବଦରେ ସୂଚନା ମିଳିଥିଲା ଏବଂ ଏହା ପାକିସ୍ତାନୀ ଡ୍ରୋନ ଥିବା ଅନୁମାନ କରାଯାଉଛି । ଡ୍ରୋନଟି ସାମ୍ୱାର ୧୦ କିଲୋମିଟର ଦକ୍ଷିଣରେ ରୀଗଲ ଶିବିର ନିକଟ ସାରଥି କଲା, ଡେରା ଏବଂ ମଦୁନ ଗାଁରେ ଉପରେ ପ୍ରାୟ ୫ ମିନିଟ ଧରି ଉଡିଥିଲା।
ଉଲ୍ଲେଖଯୋଗ୍ୟ, ଜାମ୍ମୁ କାଶ୍ମୀରରେ ଅନ୍ତରାଷ୍ଟ୍ରୀୟ ସୀମାରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯିବା ପରେ ପାକିସ୍ତାନରେ ଥିବା ଆତଙ୍କୀମାନେ ହତିଆର ଯୋଗାଇବା ପାଇଁ ଡ୍ରୋନର ବ୍ୟବହାର କରୁଛନ୍ତି। ଘାଟିରୁ ଏହିପରି ଅନେକ ଡ୍ରୋନ ଜବତ କରାଯାଇଛି।
