ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ORHDC ଦୁର୍ନୀତି ମାମଲା, IAS ବିନୋଦ କୁମାରଙ୍କ ସହ ୬ ଜଣଙ୍କୁ ଜେଲ୍‌ଦଣ୍ଡ ଶୁଣାଇଲେ ସ୍ପେଶାଲ୍‌ ଜଜ୍‌
  • ||
  • ଫିରୋଜାବାଦରେ ଛାତିଥରା ଅଗ୍ନିକାଣ୍ଡ, ଜିଅନ୍ତା ଜଳିଗଲେ ପରିବାରର ୬ଜଣ
  • ||
  • କୁହୁଡ଼ି ନେଲା ଜୀବନ; ରାସ୍ତା ଦେଖାନଯିବାରୁ ବସ୍‌କୁ ପିଟିଲା ଟ୍ରକ୍, ଦୁର୍ଘଟଣାରେ ଚାଲିଗଲା ୬ ଜୀବନ
  • ||
  • ଇଡିରେ ହାଜର ହେଲେ ଅବିନାଶ ପ୍ରିୟଦର୍ଶୀ, ସୁପ୍ରିମ ଅଟୋ ମୋବାଇଲ ମୁଖ୍ୟ ପରିଚାଳକ ହେଲେ ଅବିନାଶ
  • ||

ମୃତ୍ୟୁ ଏମିତି ବି ଆସେ, ନିଜ ଟ୍ରାକ୍ଟର ଚକା ତଳେ ପ୍ରାଣ ହରାଇଲେ ଡ୍ରାଇଭର : ମା’ ଝିଅଙ୍କୁ ଧକ୍କା ଦେବା ପରେ ଖସିପଡିଥିଲେ ଚାଳକ

7/01/2020 at 12:27 PM

ବଡବିଲ ୭।୧: ମା’ ଓ ଝିଅଙ୍କୁ ଧକ୍କା ଦେଇ ଚଳନ୍ତା ଟ୍ରାକ୍ଟରରୁ ଖସି ପଡ଼ିଲେ ଡ୍ରାଇଭର । ଟ୍ରାକ୍ଟର ତଳେ ଚାପି ହୋଇ ଚାଲିଗଲା ଡ୍ରାଇଭରଙ୍କ ଜୀବନ । ଏଭଳି ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ଚମ୍ପୁଆ ଅଂଚଳରେ ।

ସୂଚନାଯୋଗ୍ୟ ଯେ, ଚମ୍ପୁଆ ହାଟ ପଡ଼ିଆ ସ୍ଥିତ ନିଜ ଘର ନିକଟରେ ନିମା ସିଙ୍କୁ ନାମକ ଜଣେ ମହିଳା ନିଜର ୧୫ ବର୍ଷର ଝିଅ କୁସୁମ ସହ ଜୁରୁଡ଼ି ଯିବା ପାଇଁ ବସକୁ ଅପେକ୍ଷା କରି ରାସ୍ତା କଡ଼ରେ ଛିଡ଼। ହୋଇଥିଲେ । ସେହି ସମୟରେ ଓଡି ୦୯ ଡି ୩୨୫୨ ନମ୍ବର ବିଶିଷ୍ଟ ଏକ ଟ୍ରାକ୍ଟର ଦ୍ରୁତଗତିରେ ଆସି ହଠାତ୍ ସେମାନଙ୍କୁ ଧକ୍କା ଦେଇଥିଲା । ଫଳରେ ଟ୍ରାକ୍ଟର ଡ୍ରାଇଭର ଭାରସାମ୍ୟ ହରାଇ ତଳକୁ ଖସିପଡ଼ଥିଲେ । ଯାହା ଫଳରେ ଟ୍ରାକ୍ଟରଟି ତାଙ୍କ ଉପରେ ମାଡ଼ଯିବାରୁ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା । ମୃତ ଡ୍ରାଇଭର ରରୁଆଁ ଥାନା ଫଗୁ ଅଂଚଳର ଡୁରସୁ ମୁଣ୍ଡା ।

ସେପଟେ ଟ୍ରାକ୍ଟର ଧକ୍କାରେ ଆହତ ମା’ ଓ ଝିଅଙ୍କୁ ଚମ୍ପୁଆ ଡାକ୍ତରଖାନାକୁ ନିଆଯାଇଥିଲା । ମା’ ନିମା ସିଙ୍କୁଙ୍କ ଅବସ୍ଥା ଗୁରୁତର ରହିଛି ଓ ତାଙ୍କର ଚିକିତ୍ସା ଚାଲିଛି । ଝିଅ କୁସୁମ ସାମାନ୍ୟ ଆହତ ହୋଇଥିଲେ ବଳେ ଚିକିତ୍ସା ପରେ ତାଙ୍କୁ ଛାଡ଼ି ଦିଆଯାଇଛି । ଚମ୍ପୁଆ ପୋଲିସ ଏହି ଘଟଣାର ତଦନ୍ତ ଚଳାଇଛି ।

   Related Posts