ସୋର ୧୬/୦୨: ଗୁରୁବାର ଓଡ଼ିଶା ଡ୍ରାଇଭର ମହାସଂଘର ଆନ୍ଦୋଳନ ଦ୍ୱିତୀୟ ଦିନରେ ପହଞ୍ଚିଛି। ଏହାର ପ୍ରଭାବ ଦ୍ୱିତୀୟ ଦିନ ବାଲେଶ୍ବର ଜିଲ୍ଲାର ସୋର ୧୬ ନମ୍ବର ଜାତୀୟ ରାଜପଥ ବରଫ କଳ ଛକରେ ଶତାଧିକ ଡ୍ରାଇଭର ରାଜପଥ ଅବରୋଧ କରିଥିଲେ। ଏହିକାରଣରୁ ସେଠାରେ ଶହ ଶହ ବସ୍‌ ଟ୍ରକ୍‌ ଏବଂ ଅନ୍ୟ ଗାଡ଼ିଗୁଡ଼ିକ ଅଟକି ରହିଥିଲା। ସେପଟେ ଆନ୍ଦୋଳନ କାରଣରୁ ୫୦ରୁ ଅଧିକ ଡ୍ରାଇଭର ଗିରଫ ହୋଛନ୍ତି।

ଫଳରେ ପୋଲିସ ସେଠାରେ ପହଞ୍ଚି ଡ୍ରାଇଭରମାନଙ୍କୁ ଧାରଣାରୁ ଉଠାଇବାକୁ ଚେଷ୍ଠାକରିଥିଲେ। ଏହାସହ ଅଟକିଥିବା ଗାଡ଼ିଗୁଡ଼ିକୁ ଛାଡ଼ିବା ବେଳେ ଡ୍ରାଇଭର ଓ ପୋଲିସ୍ ମଧ୍ୟରେ ଠେଲାପେଲା ହୋଇଥିବା ଦେଖିବାକୁ ମିଳିଛି। ଏଥିପାଇଁ ପୋଲିସ ୫୦ରୁ ଅଧିକ ଡ୍ରାଇଭରଙ୍କୁ ଅଟକ ରଖିଛି। ସମ୍ଭାବ୍ୟ ପରିସ୍ଥିତିକୁ ଲକ୍ଷରଖି ସୋର ଥାନାରେ ଖନ୍ତପଡ଼ା ଥାନାଧିକାରୀଙ୍କ ସହିକ ୨ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଛନ୍ତି।

ସେପଟେ ଏହି ଆନ୍ଦୋଳନକୁ ବିରୋଧ କରି କିଛି ସ୍ଥାନୀୟ ଲୋକ ବାଲେଶ୍ୱର ଏସପିଙ୍କ ଠାରେ ଅଭିଯୋଗ କରିଥିଲେ।  ପରେ ଆରକ୍ଷି ଅଧିକ୍ଷିକା ସୋର ଥାନାରେ ପହଞ୍ଚି  ପରିସ୍ଥିତି ଅନୁଧ୍ୟାନ କରି ଫେରିଯିବା ପରେ ୫୦ରୁ ଅଧିକ ଡ୍ରାଇଭରଙ୍କୁ ପୋଲିସ ଗିରଫ କରିଛି।