ସୁବର୍ଣ୍ଣପୁର ୫।୩: ସୁବର୍ଣ୍ଣପୁର ଜିଲ୍ଲା ସୁବଳୟା ଥାନାର ଜନକପୁର-ଖଣ୍ଡହତା ରାସ୍ତାର ରେଂଗାଲି ନାଳରେ ଏକ ଟ୍ରାକ୍ଟର ଦୁର୍ଘଟଣାଗ୍ରସ୍ତ ହୋଇଛି  । ବାଲି ଖାଲି କରି ଫେରୁଥିବା ସମୟରେ ଭାରସାମ୍ୟ ହରାଇ ଟ୍ରାକ୍ଟରଟି ନାଳର ପୋଲ ଉପରୁ ପ୍ରାୟ ୧୫ଫୁଟ ତଳକୁ ଖସି ପଡିଥିଲା  । ଫଳରେ ଡ୍ରାଇଭର ଓ ହେଲପରଙ୍କର ଟ୍ରାକ୍ଟର ତଳେ ଚାପି ହୋଇ ମୃତ୍ୟୁ ହୋଇଛି  ।

ଘଟଣାସ୍ଥଳକୁ ସୁବଳୟା ପୋଲିସ, ଅଗ୍ନିଶମ ବିଭାଗର କର୍ମଚାରୀ ଓ ଗାଁ ଲୋକେ ପହଂଚି ଉଦ୍ଧାର କରିଥିଲେ । ମୃତକମାନେ ସମ୍ବଲପୁର ଜିଲ୍ଲା ରଂଗମାଟିଆ ଗାଁର ଡ୍ରାଇଭର ବଳରାମ ଖଡିଆ ଓ ହେଲପର ସୁବର୍ଣ୍ଣପୁର ଜିଲ୍ଲା କିରାଶିରା ଗାଁର ଲକ୍ଷ୍ମୀକାନ୍ତ ପ୍ରଧାନ ବୋଲି ଜଣାପଡିଛି । ସୁବଲୟା ପୋଲିସ ଘଟଣାର ତଦନ୍ତ କରୁଛି ।