ନୂଆଦିଲ୍ଲୀ ୦୨/୦୬: ମହୁ ଏକ ପ୍ରାକୃତିକ ଔଷଧ । ଏଥିରେ ଭିଟାମିନ୍ ଏ, ବି, ସି, ଆଇରନ୍, କ୍ୟାଲସିୟମ୍, ସୋଡିୟମ୍, ଫସଫରସ୍ ଏବଂ ଆୟୋଡିନ୍ ପ୍ରଚୁର ପରିମାଣରେ ମିଳିଥାଏ । ପ୍ରତିଦିନ ଉଷୁମ ପାଣିରେ ୧ ଚାମଚ ମହୁ ମିଶାଇ ପିଇବା ଦ୍ୱାରା ଶରୀର ପାଇଁ ବହୁତ ଲାଭ ହୋଇଥାଏ । ସକାଳେ ଖାଲି ପେଟରେ ଏହାକୁ ନିୟମିତ ପିଇବା ଦ୍ୱାରା ସ୍ୱାସ୍ଥ୍ୟ ସମ୍ବନ୍ଧୀୟ ଅନେକ ସମସ୍ୟାରୁ ସବୁଦିନ ପାଇଁ ମୁକ୍ତି ମିଳିଥାଏ । ତେବେ ଚାଲନ୍ତୁ ଜାଣିବା ଉଷୁମ ପାଣିରେ ମହୁ ପିଇବାର ଉପକାର ବିଷୟରେ…
{"width":662,"height":372}ଓଜନ କମ୍ କରିଥାଏ:
ଓଜନ ହ୍ରାସ କରିବା ପାଇଁ ଲୋକମାନେ ବିଭିନ୍ନ ପଦ୍ଧତି ଗ୍ରହଣ କରିଥାନ୍ତି । କିନ୍ତୁ ତଥାପି କୌଣସି ଫାଇଦା ହୋଇନଥାଏ । ସକାଳେ ଖାଲି ପେଟରେ ମହୁ ପାଣି ପିଇବା ଦ୍ୱାରା ଭୋକ କମ୍ ଲାଗିଥାଏ। ଏହା ବ୍ୟତୀତ, ସକାଳେ ଏହାକୁ ପିଇବା ଦ୍ୱାରା ଶରୀରରେ ଦିନସାରା ଶକ୍ତି ରହିଥାଏ । ଯଦି ଆପଣ ଚାହାଁନ୍ତି, ମହୁ ସହିତ ପାଣିରେ ଲେମ୍ବୁ ମଧ୍ୟ ମିଶାଇ ପାରିବେ । ଏଥିରେ ଥିବା ଭିଟାମିନ୍-ସି ଶରୀରରେ କ୍ୟାଲୋରୀ ପରିମାଣ ହ୍ରାସ କରି ମେଦବହୁଳତାକୁ ରୋକିଥାଏ ।
ମଜବୁତ ହଜମ ପ୍ରକ୍ରିୟା ପାଇଁ:
ହଜମ ପ୍ରକ୍ରିୟା ପାଇଁ ମହୁ ଅତ୍ୟନ୍ତ ଲାଭଦାୟକ ଅଟେ । ଏଥିରେ ଥିବା ଆଣ୍ଟି-ବ୍ୟାକ୍ଟେରିଆ ପେଟକୁ ସମସ୍ତ ପ୍ରକାର ସଂକ୍ରମଣରୁ ଦୂରଇ ରଖିବାରେ ସାହାଯ୍ୟ କରିଥାଏ ଏବଂ ହଜମ ପ୍ରକ୍ରିୟାକୁ ସୁସ୍ଥ ରଖିଥାଏ । ଯେଉଁମାନଙ୍କର କୋଷ୍ଠକାଠିନ୍ୟ, ଗ୍ୟାସ୍ କିମ୍ବା ଅମ୍ଳତା ସମସ୍ୟା ରହିଥାଏ ସେମାନେ ନିଶ୍ଚିତ ଭାବରେ ଏହାକୁ ପିଇବା ଉଚିତ୍ ।
{"width":666,"height":444}ଇମ୍ୟୁନିଟି ପାଇଁ:
କରୋନା ଅବଧିରେ ରୋଗ ପ୍ରତିରୋଧକ ଶକ୍ତି ବଢାଇବା ପାଇଁ ମହୁ ପାଣି ପିଇବା ଉଚିତ୍ । ଯାହା ଥଣ୍ଡା କାଶ ଏବଂ ଅନେକ ସଂକ୍ରମଣରୁ ରକ୍ଷା କରିଥାଏ ।
ବିଷାକ୍ତ ପଦାର୍ଥ ବାହାର କରିଥାଏ:
ଶରୀରରେ ଅନେକ ବିଷାକ୍ତ ପଦାର୍ଥ ରହିଥାଏ । ଯଦି ଏହା ଶରୀରରୁ ବାହାରି ନଥାଏ, ତେବେ ଅନେକ ସମସ୍ୟା ଦେଖାଦେଇଥାଏ । ମହୁ ଶରୀରରୁ ବିଷାକ୍ତ ପଦାର୍ଥ ବାହାର କରିବାରେ ମଧ୍ୟ ସାହାଯ୍ୟ କରିଥାଏ ।
{"width":662,"height":441}ପାଟି ଦୁର୍ଗନ୍ଧ ଦୁର କରିଥାଏ:
ପାଟିରୁ ଆସୁଥିବା ଦୁର୍ଗନ୍ଧ ମଧ୍ୟ ମହୁ ପାଣି ସହିତ ଦୂର ହୋଇ ଯାଇଥାଏ । ଯଦି ଆପଣ ଚାହାଁନ୍ତି, ଆପଣ ମହୁ ସହିତ ଲେମ୍ବୁ ମଧ୍ୟ ମିଶାଇ ପାରିବେ । ଏହାର ଅମ୍ଳୀୟ ଗୁଣ ହେତୁ ଲେମ୍ବୁ ଦୁର୍ଗନ୍ଧକୁ ଦୂର କରିଥାଏ । ଏହା ସହିତ ଏହା ଦାନ୍ତରେ ଥିବା ଜୀବାଣୁକୁ ମଧ୍ୟ ନଷ୍ଟ କରିଥାଏ ।