vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିଭୋ ଉପରେ ଚଢଉ ନେଇ ଚୀନର ରାଗ, କହିଲା- ‘ବିଦେଶୀ କମ୍ପାନୀଙ୍କ ଇଚ୍ଛା କମିଯିବ…’
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୪୨୮ କୋଭିଡ୍ ପଜିଟିଭ୍
  • ||
  • ଦେଶରେ ବଢୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୧୮୯୩୦ କରୋନା ପଜିଟିଭ୍
  • ||
  • ଇଂଲଣ୍ଡରେ ଜନ୍ମଦିନ ପାଳିଲେ ଧୋନୀ, କାଟିଲେ କେକ୍ : ପତ୍ନୀ ସାକ୍ଷୀ ସେୟାର କଲେ ଭିଡିଓ
  • ||
  • କେବଳ ସ୍ପାଇସଜେଟ୍ ନୁହେଁ, ଅନ୍ୟ କମ୍ପାନୀର ବିମାନରେ ମଧ୍ୟ ବଢୁଛି ତ୍ରୁଟି : ଯାତ୍ରୀଙ୍କ ସୁରକ୍ଷାକୁ ନେଇ ଚିନ୍ତା
  • ||
  • ୪୧ ବର୍ଷରେ ପାଦ ଦେଲେ କ୍ୟାପ୍ଟେନ୍ କୁଲ୍ : ଟିମ୍ ଇଣ୍ଡିଆକୁ ଜିତାଇଥିଲେ ଦିନିକିଆ ଓ ଟି୨୦ ବିଶ୍ୱକପ୍
  • ||
  • ଜନ୍ମଦିନରେ ଓ୍ୱିମ୍ବଲଡନ୍ ଦେଖିବାକୁ ପହଁଚିଲେ ମାହି, ସାମ୍ନାକୁ ଆସିଲା ଫଟୋ
  • ||

ଜୟପୁର ବିଜେଡିରେ ନୂଆ ସମୀକରଣ : ସ୍ବାମୀଙ୍କ ପରାଜୟ ପରେ ବିଜେଡ଼ି ମଙ୍ଗ ଧରିବେ ଡକ୍ଟର ଇନ୍ଦିରା ନନ୍ଦ

6/03/2020 at 3:54 PM

କୋରାପୁଟ ୬/୩: ଜୟପୁର ବିଜେଡିରେ ବଡ ଧରଣର ପରିବର୍ତ୍ତନ। ଲଗାତାର ଦୁଇ ଥର ପରାଜୟର ମୁହଁ ଦେଖିବା ପରେ ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ରବି ନନ୍ଦଙ୍କ ଯୁଗ ଏକ ରକମ ଶେଷ ହେବାକୁ ଯାଉଛି। ତାଙ୍କ ବଦଳରେ ଏଣିକି ଦଳକୁ ଆଗକୁ ନେବେ ତାଙ୍କ ପତ୍ନୀ ଡକ୍ଟର ଇନ୍ଦିରା ନନ୍ଦ। କେବଳ ଏତିକି ନୁହଁ ଆଗାମୀ ସାଧାରଣ ନିର୍ବାଚନରେ ସେ ଜୟପୁର ବିଧାନସଭା ଆସନରୁ ବିଧାୟିକା ପ୍ରାର୍ଥୀ ହେବେ ବୋଲି ନେତା ଓ କର୍ମୀ ଖୁଲମ ଖୋଲା କହିଲେଣି।ଆଉ ଚର୍ଚ୍ଚାକୁ ସ୍ବୀକାର କରିଛନ୍ତି ଡକ୍ଟର ଈନ୍ଦିରା ନନ୍ଦ ।

ଜୟପୁର ବିଜେଡିରେ ନୂଆ ସମୀକରଣ। ସ୍ତ୍ରୀଙ୍କ ପାଇଁ ରାସ୍ତା ଛାଡିଲେ ସ୍ବାମୀ।ଏଣିକି ବରିଷ୍ଠ ନେତା ରବି ନନ୍ଦଙ୍କ ବଦଳରେ ଦଳର ମଙ୍ଗ ଧରିବେ ପତ୍ନୀ ଡକ୍ଟର ଈନ୍ଦିରା ନନ୍ଦ।କେବଳ ମଙ୍ଗ ଧରିବେନି ଆଗାମୀ ସାଧାରଣ ନିର୍ବାଚନରେ  ଜୟପୁର ବିଧାନସଭା ନିର୍ବାଚନରେ ଜୟପୁର ନିର୍ବାଚନ ମଣ୍ଡଳୀରୁ ବିଧାୟିକା ପ୍ରାର୍ଥୀ ହେବେ ବୋଲି ନିଷ୍ପତ୍ତି ହୋଇଛି । ୨୦୦୦ରୁ ୨୦୧୪ ଯାଏଁ ଲଗାତାର ୩ ଥର ଜୟପୁର ନିର୍ବାଚନ ମଣ୍ଡଳୀରୁ ବିଧାୟକ ହୋଇ ମନ୍ତ୍ରୀ ପଦ ବି ପାଇଥିଲେ ରବି ନନ୍ଦ।ହେଲେ ଲଗାତାର ୨ ଥର ନିର୍ବାଚନରେ ହାରିବା ପରେ ଦଳ ତରଫରୁ ଏପରି ନିଷ୍ପତ୍ତି ହୋଇଥିବା ଚର୍ଚ୍ଚା ହେଉଛି।ହେଲେ ଦଳୀୟ ନେତୃତ୍ବ କିନ୍ତୁ ଏକଥା ମାନିବାକୁ ନାରାଜ।ରାଜ୍ୟ ରାଜନୀତିରେ ଦଳ ତାଙ୍କୁ ଗୁରୁତ୍ୱପୂର୍ଣ୍ଣ ଭୂମିକା ଦେବାକୁ ଯାଉଥିବାରୁ ଏପରି ନିଷ୍ପତ୍ତି ହୋଇଥିବା କହୁଛନ୍ତି ଖୋଦ ଡକ୍ଟର ଈନ୍ଦିରା ନନ୍ଦ ଓ ଦଳୀୟ ନେତା।

ଡକ୍ଟର ଇନ୍ଦିରା ନନ୍ଦ ଏବେ କୋରାପୁଟ କେନ୍ଦ୍ର ସମବାୟ ବ୍ୟାଙ୍କର ସଭାନେତ୍ରୀ ।ଗତ ନିର୍ବାଚନରେ ମଧ୍ୟ ଜୟପୁର ବିଧାୟକ ଆସନ ପାଇଁ ବିଜେଡି ପ୍ରାର୍ଥୀ ଭାବେ ତାଙ୍କ ନାଁ ଚର୍ଚ୍ଚା ହେଉଥିଲା। ପରେ କିନ୍ତୁ ରବି ନନ୍ଦ ପ୍ରାର୍ଥୀ ହେବା ପରେ ଚର୍ଚ୍ଚାରେ ପୂର୍ଣ୍ଣଛେଦ ପଡିଥିଲା।କିନ୍ତୁ ନିର୍ବାଚନରେ ପରାଜୟ ପରେ ରବି ନନ୍ଦ ଆଉ ପୂର୍ବ ପରି ଦଳୀୟ ରାଜନୀତିରେ ସେତେଟା ଆକ୍ଟିଭ ନୁହଁନ୍ତି।କିନ୍ତୁ ଗତ ଦୁଇ ମାସ ହେଲା ଦଳୀୟ କାର୍ଯ୍ୟକ୍ରମରେ ତାଙ୍କ ପତ୍ନୀ ଡକ୍ଟର ଇନ୍ଦିରା ନନ୍ଦ ସକ୍ରିୟ ଦେଖା ଯାଉଛନ୍ତି। ଗୁରୁବାର ବିଜୁ ବାବୁଙ୍କ ଜୟନ୍ତୀରେ ଦଳର ବରିଷ୍ଠ ନେତାମାନେ ଏହା ଖୋଲାଖୋଲି ଘୋଷଣା କରିଥିଲେ।

   Related Posts