ନୂଆଦିଲ୍ଲୀ: ଗୁଗଲ ଇଣ୍ଡିଆଠାରୁ ୭୫ ଲକ୍ଷ ଟଙ୍କାର କ୍ଷତିପୂରଣ ଦାବି କରୁଥିବା ଜଣେ ଆବେଦନକାରୀଙ୍କ ଉପରେ ସୁପ୍ରିମକୋର୍ଟ ଓଲଟା ଜରିମାନା ଲାଗୁ କରିଛନ୍ତି । ଆବେଦନକାରୀଙ୍କ ଅଭିଯୋଗ ଥିଲା ଯେ ୟୁଟ୍ୟୁବରେ ପ୍ରସାରିତ ବିଜ୍ଞାପନ ଯୋଗୁଁ ତାଙ୍କ ଧ୍ୟାନ ଭାଙ୍ଗୁଥିଲା ଏବଂ ଏଥିପାଇଁ ସେ ପରୀକ୍ଷାରେ ଫେଲ ହୋଇଗଲେ । ଏହା ଉପରେ କୋର୍ଟ କହିଥିଲେ ଯେ ଏହା ଏକ ଖରାପ ଯାଚିକା । ଏହା ଜରିଆରେ କୋର୍ଟଙ୍କ ସମୟ ବରବାଦ କଲେ ।
ମଧ୍ୟ ପ୍ରଦେଶର ପନ୍ନାରେ ବାସ କରୁଥିବା ଆବେଦନକାରୀ ଆନନ୍ଦ କିଶୋର ଚୌଧୁରୀ କହିଥିଲ ଯେ ସେ ରାଜ୍ୟ ସେବାର ଏକ ପରୀକ୍ଷା ପାଇଁ ପ୍ରସ୍ତୁତି କରୁଥିଲେ । ଏହି ସମୟରେ ୟୁଟ୍ୟୁବ ଦେଖିବା ବେଳେ ଲଗାତାର ଏପରି ବିଜ୍ଞାପନ ଆସୁଥିଲା ଯେଉଁଥିରେ ସେକ୍ସୁଆଲ ସାମଗ୍ରୀ ରହିଥିଲା । ଏହା ଦ୍ୱାରା ଧ୍ୟାନ ଭାଙ୍ଗୁଥିଲା ଏବଂ ପରୀକ୍ଷାରେ ସଫଳତା ମିଳିଲା ନାହିଁ । ଏହାକୁ ନେଇ ସେ ଗୁଗଲ ଇଣ୍ଡିଆଠାରୁ ୭୫ ଲକ୍ଷ ଟଙ୍କା ଜରିମାନା ଦାବି କରି ଯାଚିକା ଦାଖଲ କରିଥିଲେ ।
ଯାଚିକାକୁ ଦେଖି ଜଷ୍ଟିସ ସଞ୍ଜୟ କିଶନ କୌଲ ଏବଂ ଅଭୟ ଏସ ଓକା ବେଶ କ୍ଷୁବ୍ଧ ହୋଇଥିଲେ । ଜଷ୍ଟିସ କୌଳ କହିଥିଲେ ଯେ ଆପଣ ଦେଖିବାକୁ ଚାହୁନାହାନ୍ତି ଯଦି ବିଜ୍ଞାପନ ଦେଖ ନାହିଁ । ଏହିପରି ଖରାପ ଯାଚିକା କୋର୍ଟଙ୍କ ସମୟ ବରବାଦ କରୁଛି । ଆପଣଙ୍କ ଉପରେ ୧ ଲକ୍ଷ ଟଙ୍କାର ଜରିମାନା ଲାଗୁ କରାଯାଉଛି । ଜଜଙ୍କ ଏହି ଆଭିମୁଖ୍ୟ ଦେଖି ଆବେଦନକାରୀ କ୍ଷମା ପ୍ରାର୍ଥନା କରିଥିଲେ । ଆବେଦନକାରୀ କହିଥିଲେ, କ୍ଷମା କରି ଦିଅନ୍ତୁ । ଏହା ଉପରେ ଜଷ୍ଟିସ କୌଳ କହିଥିଲେ ଜରିମାନା କମ କରିଦେବି କିନ୍ତୁ କ୍ଷମା କରିବ ନାହିଁ । ଏହାପରେ ବିଚାରପତି ଜରିମାନା ରାଶିକୁ ୨୫ ହଜାରକୁ କମାଇଥିଲେ।
