ନୂଆଦିଲ୍ଲୀ ୦୧।୦୧ : ସେନା କୁକୁର ଗର୍ଭବତୀ । ଭାରତ-ବାଂଲାଦେଶ ସୀମାରେ ମୃତୟନ ଥିବା ଏକ ସ୍ନିଫର କୁକୁର ଗର୍ଭବତୀ ହେବା ସହ ତିନି ଛୁଆକୁ ଜନ୍ମ ଦେଇଛି । ଯାହାକି ଏବେ ଚର୍ଚ୍ଚାର ବିଷୟ ପାଲଟିଛି । ଡ୍ୟୁଟିରେ ଥାଇ କୁକୁର ଗର୍ଭବତୀ ହୋଇପାରିବନି ବୋଲି ବିଏସ୍ଏଫ୍ର ନିୟମ ରହିଛି । ହେଲେ ଏଠାରେ କିପରି ଏହି ନିୟମ ଉଲ୍ଲଘଂନ ହେଲା, ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
ବିଏସ୍ଏଫ୍ ସୈନ୍ୟଙ୍କ ସହି ମୁଖ୍ୟ ଚେକ୍ ପୋଷ୍ଟମାନଙ୍କ ତାଲିମପ୍ରାପ୍ତ କୁକୁର ମୁତୟନ ହୋଇଥାଏ । ମୃତୟନ ହୋଇଥିବା କୁକୁରମାନେ ସନ୍ଦିଗ୍ଧ ବସ୍ତୁକୁ ଚିହ୍ନଟ କରିବା ସହ ଦୋଷୀଙ୍କୁ ଧରିବାରେ ସହାୟତା କରିଥାନ୍ତି । ଯଦି କୁକୁର ଗର୍ଭବତୀ ହୋଇଥାଏ । ତେବେ ତାରା ଘ୍ରାଣ ଶକ୍ତି କମିଯାଇଥାଏ । ସେହି ସମୟରେ କୁକୁର ଠିକ୍ ଭାବେ ଡ୍ୟୁଟି କରିପାରିନଥାଏ । ତେଣୁ ସୀମାରେ ମୃତୟନ କୁକୁର ଗର୍ଭବତୀ ହୋଇପାରିବନି ବୋଲି ବିଏସ୍ଏଫ୍ର ନିୟମ ରହିଛି । କିନ୍ତୁ ଭାରତ-ବାଂଲାଦେଶ ସୀମାରେ ମୁତୟନ ଥିବା କୁକୁର ଗର୍ଭବତୀ ହେବା ସହ ୩ଟି ଛୁଆକୁ ଜନ୍ମ ଦେଇଛି । ଗତ ୫ ତାରିଖରେ ଏହି ଘଟଣା ଘଟିଥିଲା ।
ବିଏସ୍ଏଫ୍ରେ ଭର୍ତ୍ତି ହୋଇଥିବା କୁକୁରର ଦେଖାରେଖା ପାଇଁ କେୟାରଟେକରଙ୍କୁ ଦାୟିତ୍ୱ ଦିଆଯାଇଥାଏ । କୁକୁର ଯେପରି ଅନ୍ୟ କୌଣସି କୁକୁର ସଂସ୍ପର୍ଶରେ ନଆସେ । ସେଥିପ୍ରତି ଧ୍ୟାନ ଦେବାକୁ ମଧ୍ୟ ନିର୍ଦ୍ଦେଶ ରହିଥାଏ । ହେଲେ ଏଠାରେ କୁକୁର ଗର୍ଭବତୀ ହେଲା କେମିତି ? ଏପିରିକି ଦାୟିତ୍ୱରେ ଥିବା କେୟାରଟେକର ଠିକ୍ ଭାବେ ତୁଲାଇ ନଥିବା ଅଭିଯୋଗ ଆସିଛି । ସେପଟେ ଘଟଣା ଜଣାପଡ଼ିବା ପରେ ତଦନ୍ତ ନିର୍ଦ୍ଦେଶ ଦିଆଯାଇଛି । କୁକୁରର କେୟାରଟେକରଙ୍କୁ ଏଥିପାଇଁ ଦାୟୀ କରାଯାଉଥିବା ବେଳେ ଦୋଷ ପ୍ରମାଣିତ ହେଲେ ତାଙ୍କ ବିରୋଧରେ କାର୍ଯ୍ୟନୁଷ୍ଠାନ ନିଆଯିବ ବୋଲି ସେନା ପକ୍ଷରୁ କୁହାଯାଇଛି ।