ମୁମ୍ଵାଇ ୦୭।୦୯: ପ୍ରତିଟି ଲୋକ ଘର ଭିତରେ  ସକାରାତ୍ମକ ପରିବେଶ ଚାହିଁଥାନ୍ତି ।  ଏଥିପାଇଁ ବାସ୍ତୁ ପ୍ରତି ବିଶେଷ ଧ୍ୟାନ ଦେବାକୁ  ପଡିଥାଏ । ଘର ଭିତରେ ସକାରାତ୍ମକ  ପରିବେଶ ବଜାୟ ରଖିବା ପାଇଁ ଦିଗ  ପ୍ରତି ବିଶେଷ ଧ୍ୟାନ ଦେବାକୁ ପଡିଥାଏ ।  ପ୍ରତ୍ୟେକ ଦିଗର ଭିନ୍ନ ଭିନ୍ନ ମହତ୍ତ୍ୱ ରହିଛି ।  ଦିଗର ମହତ୍ତ୍ୱ ଜାଣିବା ପରେ ହିଁ ଆମେ  ଘରକୁ ବାସ୍ତୁ ଅନୁସାରେ ସଜାଡ଼ିବା ଉଚିତ୍‌  ହେବ । ଫଳରେ ଘର ଭିତରେ ସକାରାତ୍ମକ  ଚିନ୍ତାଧାରା ବଢିବା ସହ ନକାରାତ୍ମକ ଶକ୍ତି  କମ୍‌ କରିପାରିବେ । ଚାଲନ୍ତୁ ଜାଣିବା  ବିଶେଷକରି ପଶ୍ଚିମ ଦିଗ ବିଷୟରେ । ଏହି  ଦିଗର ସ୍ୱାମୀ ବରୁଣ ଦେବ । ତାଙ୍କ ସହ  ଶନିଙ୍କ ପ୍ରଭାବ ମଧ୍ୟ ରହିଥାଏ ଏହି ଦିଗ  ଉପରେ । ଚାଲନ୍ତୁ ଦେଖିବା ପଶ୍ଚିମ ଦିଗରେ  କ’ଣ ନ ରଖିବା ଦରକାର ।  ­

ରଖନ୍ତୁନି ଆକ୍ୱାରିୟମ୍‌: ପଶ୍ଚିମ ଦିଗରେ  ଏପରି କୌଣସି ଜିନିଷ ରଖନ୍ତୁନି,  ଯେଉଁଥିରେ ପାଣି ସାମିଲ୍‌ ରହିଥିବ ।  ଏହି ଦିଗରେ ଆକ୍ୱାରିୟମ୍‌ ବା  ଫାଉଣ୍ଟେନ୍‌ ରଖିବା ଉଚିତ୍‌ ନୁହେଁ ।  ନଚେତ୍‌ ଘର ଭିତରେ ନକାରାତ୍ମକ  ଉର୍ଜ୍ଜା ବଢିଥାଏ ।  ­

ଭଗବାନଙ୍କ ଫଟୋ ରଖନ୍ତୁନି: ପଶ୍ଚିମ  ଦିଗରେ କୌଣସି ଭଗବାନଙ୍କ ଫଟୋ  ବା ତାଙ୍କ ସମ୍ବନ୍ଧୀୟ ଜିନିଷ ରଖିବା  ଅନୁଚିତ୍‌ । ପୂଜା ପାଇଁ ରଖାଯାଉଥିବା  ଭଗବାନଙ୍କ ଫଟୋ ସବୁବେଳେ ପୂଜା  ଘରେ ପୂର୍ବ ଆଡକୁ ମୁହଁ କରି ରଖିବା  ଉଚିତ୍‌ ।  ­

ତୁଳସୀ ରଖାଯାଏନା: ପ୍ରାୟ ଲୋକ  ନିଜ ଘରେ ଭିନ୍ନ ଭିନ୍ନ ପ୍ରକାରର  ଗଛ ଲଗାଇବାକୁ ଭଲ ପାଇଥାନ୍ତି ।  କିନ୍ତୁ ପଶ୍ଚିମ ଦିଗରେ କେବେ ବି  ତୁଳସୀ ଗଛ ରଖିବା ଅନୁଚିତ୍‌ । ବାସ୍ତୁ  ଅନୁସାରେ ତୁଳସୀ ଗଛ ସର୍ବଦା ପୂର୍ବ  ଦିଗ ଆଡ଼କୁ ରଖିବା ଦରକାର ।  ­

ବଡ଼ ଝରକା ରଖନ୍ତୁନି: ଘରକୁ  ବାୟୁ ଚଳାଚଳ କରିବା ପାଇଁ ବଡ଼  ବଡ଼ ଝରକା ରଖିବା ଉଚିତ୍‌, କିନ୍ତୁ  ପଶ୍ଚିମ ଦିଗରେ ଝରକା ବା କବାଟ  ରଖିବା ଅନୁଚିତ୍‌ । ଯଦି ବଡ଼ ଝରକା  ରହିଥାଏ, ତେବେ ଏହାକୁ ପରଦା  ଦେଇ ବନ୍ଦ କରିଦିଅନ୍ତୁ ।  ­ କରନ୍ତୁନି

ପିଲାଙ୍କ ପଢାଘର: ଆଜିକାଲି  ସମସ୍ତଙ୍କ ଘରେ ପିଲାଙ୍କ ପଢିବା ପାଇଁ  ଗୋଟିଏ ଲେଖାଁଏ ପଢା ଘର ରହୁଛି ।  ତେବେ ଏହି ପଢା ଘରକୁ ମଧ୍ୟ ପଶ୍ଚିମ  ଦିଗରେ ରଖିବା ଅନୁଚିତ୍‌ । ପଢା ଘର  ସବୁବେଳେ ପୂର୍ବ ଦିଗରେ କରନ୍ତୁ,  ଯାହା ପିଲାଙ୍କ ପାଇଁ ତଥା ଘର ପାଇଁ  ଭଲ ହୋଇଥାଏ ।