ନୂଆଦିଲ୍ଲୀ ୦୯।୦୨: ଏବେ ବି ଥମିନି ରାଜମୌଲିଙ୍କ ଆରଆରଆରର କ୍ରେଜ୍ । ପ୍ରତିଦିନ ନୂଆ ନୂଆ ରେକର୍ଡ କରୁଛି ଏହି ସାଉଥ୍ ମୁଭି । ତେବେ ଫିଲ୍ମ କଥା ପରେ ଜାଣିବା, ଏବେ ଆସିବା ଦିଲ୍ଲୀ ମେଟ୍ରୋ ପାଖକୁ । ଦିଲ୍ଲୀ ମେଟ୍ରୋରେ ଲାଗିଛି କଟକଣା । ସେ ପୁଣି RRR ଫିଲ୍ମର ସୁପରହିଟ୍ ଗୀତ ନାଟୁ ନାଟୁର କ୍ୟାପସନ୍ ସହ । କଥା କଣ କି ଦିଲ୍ଲୀ ମେଟ୍ରୋ ପରିସରରେ ଭିଡିଓ କରୁଥିବା ବ୍ୟକ୍ତିଙ୍କ ପାଇଁ ଚେତାବନୀ ଜାରି କରିଛି DMRC ।
ବାସ୍ତବରେ ଦିଲ୍ଲୀ ମେଟ୍ରୋ ନିଜର ଇନଷ୍ଟାଗ୍ରାମରେ ଏକ ଫଟୋ ସେୟାର କରିଛି । ଯେଉଁଥିରେ ରାମଚରଣ ଏବଂ ଜୁନିଅର ଏନଟିଆରଙ୍କ ନାଟୁ ନାଟୁ ଗୀତର ବ୍ୟବହାର କରାଯାଇ ଦିଲ୍ଲୀ ମେଟ୍ରୋରେ ନାଚିବା ପାଇଁ ମନା କରାଯାଇଛି । ଚେତାବନୀ ଦେଇ କୁହାଯାଇଛି ଯେ ନାଚିବା ମଜାଦାର କଥା, କିନ୍ତୁ ଦିଲ୍ଲୀ ମେଟ୍ରୋରେ ନାଚନ୍ତୁନି ।
wp:html/wp:html
ତେବେ ସବୁଠାରୁ ମଜା କଥା ହେଉଛି ପୋଷ୍ଟରରେ ରାମଚରଣ ଏବଂ ଏନଟିଆରଙ୍କ ସିଗନେଚର୍ ଡ୍ୟାନ୍ସ ଷ୍ଟେପ୍ସ ରହିଛି । ଯାହାର କ୍ୟାପସନରେ ଲେଖାଯାଇଛି ଯେ ‘ଯାତ୍ରୀମାନଙ୍କର ସମ୍ମାନ କରନ୍ତୁ । ଡ୍ୟାନ୍ସ ଭିଡିଓ କରି ଯାତ୍ରୀମାନଙ୍କ ପାଇଁ ଅସୁବିଧା ସୃଷ୍ଟି କରନ୍ତୁ ନାହିଁ । ତେବେ ଏପରି କୌଣସି କାର୍ଯ୍ୟକଳାପ କରିବା ଦିଲ୍ଲୀ ମେଟ୍ରୋରେ କଡା ନିଷେଧ’ ।
ବର୍ତ୍ତମାନ ଏହି ପୋଷ୍ଟର ଏବେ ସୋଶିଆଲ ମିଡିଆରେ ଜୋରଦାର ଭାଇରାଲ୍ ହେଉଛି । କହିରଖୁଛୁ କି ଦିଲ୍ଲୀ ମେଟ୍ରୋରେ କିଛି ଲୋକ ନିଜ ଜୀବନକୁ ବିପଦରେ ପକାଇ ଭିଡିଓ କରୁଛନ୍ତି । ଏଥିରେ ରୋକ ଲଗାଇବା ପାଇଁ ଏପରି କଠୋର ନିୟମ କରିଛି ଦିଲ୍ଲୀ ମେଟ୍ରୋ ।
