scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ସମଗ୍ର ଦେଶରେ ଦୀପାବଳିର ମାହୋଲ: ଅଯୋଧ୍ୟାରେ ମହା ଦୀପୋତ୍ସବ

6/11/2018 at 7:26 PM

ଆସନ୍ତାକାଲି ଦୀପାବଳି । ଆଲୋକର ପର୍ବ । ଦୀପାବଳି ପାଳିବାକୁ ସାରା ଦେଶ ଉତ୍ସୁକତାର ସହ ଅପେକ୍ଷା କରିଛି । ତେବେ ତା ପୂର୍ବରୁ ଉତ୍ତର ପ୍ରଦେଶର ଅଯୋଧ୍ୟାରେ ହୋଇଛି ମେଗା ଦୀପୋତ୍ସବ । ରାମମନ୍ଦିର ନିର୍ମାଣକୁ ନେଇ ଦେଶର ବିଭିନ୍ନ ସ୍ଥାନରେ ଦାବି ଜୋର୍ ଧରୁଥିବା ବେଳେ ଚଳିତବର୍ଷର ଅଯୋଧ୍ୟା ଦୀପୋତ୍ସବ ଅନେକ ଗୁରୁତ୍ବ ରଖୁଛି ।

ଭଗବାନ ଶ୍ରୀରାମଙ୍କ ଆଗମନକୁ ସ୍ବାଗତ । ସଜେଇ ହୋଇଛି ଅଯୋଧ୍ୟା । ଆଲୋକର ପର୍ବ ଦୀପାବଳିର ଦିନକ ପୂର୍ବରୁ ଉତ୍ତର ପ୍ରଦେଶ ଅଯୋଧ୍ୟାରେ ପାଳନ ହୋଇଛି ଦୀପୋତ୍ସବ । ଚଳିତବର୍ଷ ଦୀପୋତ୍ସବର ମୁଖ୍ୟ ଅତିଥି ଦକ୍ଷିଣ କୋରିଆ ରାଷ୍ଟ୍ରପତିଙ୍କ ପତ୍ନୀ କିମ୍ ଜୁଙ୍ଗ୍ ସୁକ୍  ସରଜୁ ନଦୀ କୂଳରେ ଆୟୋଜିତ ଏହି ଉତ୍ସବରେ ଯୋଗ ଦେଇଥିଲେ ।  ଦେଖିବାକୁ ମିଲିଥିଲା ଭାରତ-କୋରିଆ ସାଂସ୍କୃତିକ ଝଲକ୍। 

ସରଜୂ ନଦୀ କୂଳରେ ସ୍ଥାପିତ ହୋଇଛି ୩୦ ଫୁଟ ଉଚ୍ଚ ଭଗବାନ ଶ୍ରୀରାମଚନ୍ଦ୍ରଙ୍କ ପ୍ରତିମୂର୍ତ୍ତି । ପାଖରେ ହନୁମାନଙ୍କ ମୂର୍ତ୍ତି ମଧ୍ୟ ହୋଇଛି । ଏହି ଅବସରରେ ସେଠାରେ ସ୍ବତନ୍ତ୍ର ଆରତୀ କରାଯାଇଛି । ଏଠି ହେଲିକପ୍ଟର୍ ପୁଷ୍ପକ ବିମାନରେ ସବାର୍ ହୋଇ ଭଗବାନ ଶ୍ରୀରାମ, ଦେବୀ ସୀତା ଏବଂ ଅନୁଜ ଲକ୍ଷ୍ମଣ ଅଯୋଧ୍ୟାରେ ପଦାର୍ପଣ କରିଥିଲେ । ଦକ୍ଷିଣ କୋରିଆ ପ୍ରଥମ ମହିଳାଙ୍କ ସହ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ସେମାନଙ୍କୁ ସ୍ବାଗତ କରିଛନ୍ତି ।

ଓଡ଼ିଶାରେ ମଧ୍ୟ ଦୀପାବଳି ପାଇଁ ପ୍ରସ୍ତୁତି ଜୋରଦାର୍ । ଲୋକେ ବାଣ ଓ ଦୀପ କିଣିବାରେ ବ୍ୟସ୍ତ । ତଥାପି ସେମାନେ ପରିବେଶ ପ୍ରତି ବେଶ୍ ସଚେତନ ରହିଛନ୍ତି । ମାଟି ଦୀପ ହିଁ ଲୋକଙ୍କର ପ୍ରଥମ ପସନ୍ଦ । ଆଉ ଗ୍ରାହକଙ୍କ ରୁଚିକୁ ନଜରରେ ରଖି ବଜାରରେ ଯଥେଷ୍ଟ ପରିମାଣରେ ମାଟି ଦୀପ ଉପଲବ୍ଧ ହୋଇଛି । 

ଆଲୋକର ପର୍ବ ଦୀପାବଳି, … ଆନନ୍ଦ, ଉଲ୍ଲାସର ଅବସର । ତେବେ ଏହି ଆନନ୍ଦ ଉଲ୍ଲାସ ଯେମିତି କାହା ପାଇଁ ଦୁଃଖ ଆଣି ନଦେଉ । ବାଣ ଫୁଟାନ୍ତୁ ବା ଦୀପ ଜାଳନ୍ତୁ, ସବଧାନ ବା ସତର୍କ ରହିବା ନିହାତି ଜରୁରୀ ।

   Related Posts