ନୂଆଦିଲ୍ଲୀ: ଦିଲ୍ଲୀରେ ଧାରଣା ଜାରି ରଖିଥିବା କୁସ୍ତିଯୋଦ୍ଧାଙ୍କ ସମର୍ଥନରେ ବାହାରିଛନ୍ତି ୧୯୮୩ ୱାଲର୍ଡ କପ ବିଜେତା କ୍ରିକେଟ ଟିମର ସଦସ୍ୟ । ବିଶ୍ୱ କପ ବିଜୟୀ ଟିମର ଅଧିନାୟକ କପିଲ ଦେବ ଥିଲେ । ଏହି ଟିମ୍ ଏକ ମିଳିତ ବୟାନ ଜାରି କରି କହିଛି ଯେ ଧାରଣାରତ କୁସ୍ତିଯୋଦ୍ଧାଙ୍କ ସହ ଦୁର୍ବ୍ୟବହାର କରାଯାଇଛି, ଯାହା ଦେଖି ଆମେ ଚିନ୍ତିତ ଅଛୁ ।

ଉଲ୍ଲେଖଯୋଗ୍ୟ ଯେ ବଜରଙ୍ଗକ ପୁନିଆ, ସାକ୍ଷୀ ମଲ୍ଲିକ ଏବଂ ଭିନେଶ ଫୋଗାଟଙ୍କ ପରିବାର ସହ ଅନ୍ୟ କୁସ୍ତିଯୋଦ୍ଧାମାନେ ଧାରଣା ଦେଉଛନ୍ତି । ଦିଲ୍ଲୀ ପୋଲିସ ମେ ୨୮ରେ ଧାରଣାରତ କୁସ୍ତିଯୋଦ୍ଧାଙ୍କୁ ଆଇନ ଏବଂ ବ୍ୟବସ୍ଥା ବିଗାଡିବା ଅଭିଯୋଗରେ ହେପାଜତକୁ ନେଇଥିଲା । ଦିଲ୍ଲୀର ଜନ୍ତର ମନ୍ତରରେ ଗତ ଏକ ମାସରୁ କୁସ୍ତି ସଂଘର ଅଧ୍ୟକ୍ଷ ବ୍ରିଜଭୂଷଣ ଶରଣ ସିଂଙ୍କ ବିରୋଧରେ ଧାରଣା ଦେଉଥିବା କୁସ୍ତିଯୋଦ୍ଧାଙ୍କ ବିରୋଧରେ ନିକଟରେ ଦିଲ୍ଲୀ ପୋଲିସ ମାମଲା ରୁଜୁ କରିଥିଲା । ଖେଳାଳିଙ୍କ ବିରୋଧରେ ସୁରକ୍ଷାକର୍ମୀଙ୍କ ସହ ମାରପିଟ୍, ଡ୍ୟୁଟିରେ ମୁତୟନ ସରକାରୀ କର୍ମଚାରୀଙ୍କ କାମରେ ବାଧା ସୃଷ୍ଟି କରିବା ନେଇ ମାମଲା ରୁଜୁ ହୋଇଛି ।

ପଢନ୍ତୁ: କୁସ୍ତିଯୋଦ୍ଧାଙ୍କ ସମର୍ଥନରେ ଆସିଲା UWW, ଭାରତୀୟ କୁସ୍ତି ସଂଘକୁ ସସ୍‌ପେଣ୍ଡ କରିବା ନେଇ ଦେଲା ଚେତାବନୀ !

ୱାଲର୍ଡ କପ ବିଜେତା ଟିମ୍ କହିଛି, ‘ଆମ ଚାମ୍ପିୟନ ରେଲସରଙ୍କୁ ଦୁର୍ବ୍ୟବହାରର ଅଶୋଭନୀୟ ଦୃଶ୍ୟ ଦେଖି ବ୍ୟଥିତ ଏବଂ ଚିନ୍ତିତ ଅଛୁ । ଏହାସହ ନିଜ ପରିଶ୍ରମରେ ଜିତିଥିବା ପଦକ ଗଙ୍ଗରେ ଭସାଇବା ଘୋଷଣା ଉପରେ ମଧ୍ୟ ଆମେ ଚିନ୍ତିତ ଅଛୁ । ଏହି ପଦକକୁ ସେମାନେ ଅନେକ ବର୍ଷର ପରିଶ୍ରମ, ତ୍ୟାଗ ଏବଂ ସଂଘର୍ଷ ପରେ ହାସଲ କରିଛନ୍ତି । ଏହି ମେଡାଲ କେବେଳ ସେମାନଙ୍କ ହିଁ ନୁହେଁ ବରଂ ଦେଶର ଗୌରବ ମଧ୍ୟ ଅଟେ’।

ଟିମ୍ କହିଛି, ‘ଆମେ ସେମାନଙ୍କୁ ଅପିଲ କରୁଛି ଯେ ଏହି ମାମଲାରେ କୌଣିସ ତ୍ୱରିତ ପଦକ୍ଷେପ ନ ନିଅନ୍ତୁ । ଆମେ ଏହା ମଧ୍ୟ ଅପିଲ କରୁଛୁ ଯେ ସେମାନଙ୍କ ଅଭିଯୋଗକୁ ଶୁଣାଯାଉ । ଏହାସହ ମାମଲାର କୌସଣି ସମାଧାନ ବାହାର କରାଯିବ’।

READ ALSO: ଗଙ୍ଗାରେ କୁସ୍ତିଯୋଦ୍ଧାଙ୍କ ପଦକ ବିସର୍ଜନ ଘୋଷଣା ପରେ ଉଠିଲା ପ୍ରଶ୍ନ, ଗଙ୍ଗା ସଭାର ବିରୋଧ; ସରକାରଙ୍କୁ ୫ ଦିନର ସମୟ