vridhi excotica
star kirano
ori homes
vridhi excotica
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାଙ୍ଗିଲା ଗୁଣ୍ଡିଚା ମନ୍ଦିର ରୋଷ ଘର ଚୁଲି, କୋଠଭୋଗ ଛାଡି ସବୁ ଚୁଲି ଭାଙ୍ଗିଦେଲେ ଦୁର୍ବୃତ୍ତ
  • ||
  • ଉମରକୋଟ : ଚାଲାଣ ବେଳେ କଲରା ପତରିଆ ବାଘ ଛାଲ ଜବତ, ଜଣେ ଗିରଫ
  • ||
  • ସୁବର୍ଣ୍ଣପୁର : ମୋବାଇଲ୍ ଦୋକାନରେ କଳାକନା ବୁଲାଇଲେ ଲୁଟେରା, ଲୁଟିନେଲେ ପ୍ରାୟ ୨୫ଲକ୍ଷ ଟଙ୍କାର ଫୋନ୍
  • ||
  • କଣ୍ଟାବାଞ୍ଝି : ପୂର୍ବ ଶତ୍ରୁତାକୁ କେନ୍ଦ୍ର କରି ବାଇକ୍ ପୋଡି, ଦୋକାନ ବାହାରେ ରଖିଥିବା ଗାଡି ଜାଳିଦେଲେ ଦୁର୍ବୃତ୍ତ
  • ||
  • ସାଲେପୁର : ଜମିବାଡି ବିବାଦକୁ କେନ୍ଦ୍ର କରି ଗୋଟିଏ ପରିବାରକୁ ମରଣାନ୍ତକ ଆକ୍ରମଣ, ଥାନାରେ ଏତଲା
  • ||
  • ଭୋଗରାଇ : ଦିଘା ସମୁଦ୍ରରେ ଗାଧୋଉଥିବା ବେଳେ ବଜ୍ରପାତ : ଦୁଇ ସାଙ୍ଗ ମୃତ, ୪ ଗୁରୁତର
  • ||
  • ୫ ହଜାର ଫୁଟ୍ ଉପରେ କକ୍‌ପିଟ୍‌ରୁ ବାହାରିଲା ଧୂଆଁ, ଜରୁରୀ ଅବତରଣ କଲା ସ୍ପାଇସ୍ ଜେଟ୍ ବିମାନ
  • ||
  • ତେଲକୋଇ : ତେଲକୋଇ ରେଞ୍ଜରେ ଘର ଭାଙ୍ଗି ଧାନ ଖାଇଗଲେ ହାତୀ ପଲ, ଘଉଡାଇବାକୁ ବନ ବିଭାଗର ଉଦ୍ୟମ
  • ||
  • ଚାନ୍ଦବାଲି : ଝିଅ ପାଇଁ ବରପାତ୍ର ଦେଖିବାକୁ ଯିବାବେଳେ ଅଘଟଣ, ବାଇକ୍‌ରୁ ଖସିପଡି ବାପାଙ୍କ ମୃତ୍ୟୁ
  • ||
  • ବିଜେପିର ମିଶନ ତେଲେଙ୍ଗାନା : ଶନିବାରଠୁ ହାଇଦ୍ରାବାଦରେ ଦଳର ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ
  • ||

ଦାମଙ୍କ ବିରୋଧରେ ଆଜି ଆରମ୍ଭ ହୋଇପାରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପ୍ରକ୍ରିୟା

11/09/2018 at 10:20 AM

ଭୁବନେଶ୍ବର ୧୧|୯: ପୂର୍ବତନ ମନ୍ତ୍ରୀ ତଥା ବିଜେଡିର ବରିଷ୍ଠ ନେତା ଡାକ୍ତର ଦାମୋଦର ରାଉତଙ୍କ ବିରୋଧରେ ଦଳ ଆଜି ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପ୍ରକ୍ରିୟା ଆରମ୍ଭ କରିପାରେ । ଗତକାଲି ଜଗତସିଂହପୁର ଜିଲ୍ଲାର ଦୁଇ ଜଣ ବରିଷ୍ଠ ବିଜେଡି ନେତା ବିଷ୍ଣୁ ଦାସ ଏବଂ ପ୍ରଶାନ୍ତ ମୁଦୁଲି ନବୀନ ପଟ୍ଟନାୟକଙ୍କ ନିକଟରେ ଦାମଙ୍କ ବିରୋଧରେ ଫେରାଦ ହୋଇଥିଲେ । ଦାମ ଦଳ ବିରୋଧୀ କାର୍ଯ୍ୟ କରୁଛନ୍ତି ବୋଲି ଲିଖିତ ଅଭିଯୋଗ କରିଥିଲେ ।

ଏହି ଅଭିଯୋଗ ପରେ ଦଳର ଜଣେ ବରିଷ୍ଠ ନେତା ତଥା ମୁଖପାତ୍ର କହିଛନ୍ତି ଯେ, ଦାମ ବାବୁଙ୍କୁ ଦଳରୁ ବହିଷ୍କାର ପାଇଁ ଦଳ ଭିତରୁ ଚାପ ରହିଛି । ଦାମ ବାବୁଙ୍କ ଦଳ ବିରୋଧୀ କାର୍ଯ୍ୟ ଅପେକ୍ଷା ମନ୍ତବ୍ୟ ଦଳକୁ ବେଶୀ ଅଡୁଆରେ ପକାଇଲାଣି ।

ଅତୀତରେ ବୈଜୟନ୍ତ ପଣ୍ଡାଙ୍କୁ ଦଳରୁ ଯେପରି ନିଲମ୍ବିତ କରାଗଲା ସେହି ଢଙ୍ଗରେ ଦାମଙ୍କୁ ନିଲମ୍ବିତ କରାଯିବ ନା ପ୍ରଫୁଲ୍ଲ ଘଡେଇଙ୍କ ଶୈଳୀରେ ଅର୍ଥାତ୍ ସିଧାସଳଖ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ତାକୁ ନେଇ ଦଳ ଭିତରେ ମାନସ ମନ୍ଥନ ଚାଲିଛି ।

ସୂଚନାଯୋଗ୍ୟ ଯେ, ବୈଜୟନ୍ତଙ୍କୁ ନିଲମ୍ବିତ କରିବା ପୂର୍ବରୁ ପ୍ରଥମେ କେନ୍ଦ୍ରାପଡାର କିଛି ନେତା ବୈଜୟନ୍ତ ଦଳ ବିରୋଧୀ କାର୍ଯ୍ୟ କରୁଛନ୍ତି ବୋଲି ନବୀନ ପଟ୍ଟନାୟକଙ୍କ ନିକଟରେ ଅଭିଯୋଗ କରିଥିଲେ । ଫଳରେ ଦଳର ବରିଷ୍ଠ ନେତ୍ରୀ ପ୍ରମିଳା ମଲ୍ଲିକଙ୍କ ନେତୃତ୍ବରେ ୩ ଜଣିଆ ପର୍ଯ୍ୟବେକ୍ଷକ ଦଳ ଘଟଣାର ଅନୁସନ୍ଧାନ କରି ଦଳ ମୁଖ୍ୟଙ୍କୁ ରିପୋର୍ଟ ପ୍ରଦାନ କରିଥିଲେ । ରିପୋର୍ଟ ଆଧାରରେ ବୈଜୟନ୍ତଙ୍କୁ ପ୍ରଥମେ ଦଳରୁ ନିଲମ୍ବିତ କରାଗଲା ଓ ପରେ ବହିଷ୍କାର କରାଯାଇଥିଲା । କିନ୍ତୁ ପ୍ରଫୁଲ୍ଲ ଘଡେଇଙ୍କ କ୍ଷେତ୍ରରେ ପର୍ଯ୍ୟବେକ୍ଷକ ନିଯୁକ୍ତି ହୋଇନଥିଲେ । ୨୦୧୫ ମସିହାରେ ଏକ ଦୈନିକ ଖବରକାଗଜରେ ପ୍ରଫୁଲ୍ଲ ଘଡେଇଙ୍କ ଏକ ସାକ୍ଷାତକାର ପ୍ରକାଶିତ ହୋଇଥିଲା। ସେହି ଦିନ ତତ୍‌କ୍ଷଣାତ୍ ପ୍ରଫୁଲ୍ଲ ଘଡେଇଙ୍କୁ ନିଲମ୍ବିତ କରାଗଲା ।

ଏ ଦୁଇ ରାସ୍ତାରୁ କୋଉ ରାସ୍ତାରେ ଦାମଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ତାକୁ ନେଇ ତର୍ଜମା ଚାଲିଛି । କିନ୍ତୁ ଦାମଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କଲେ କିଛି ପ୍ରତିକୂଳ ପ୍ରଭାବ ପଡିବ କି ବୋଲି ମଧ୍ୟ ଆଶଙ୍କା କରାଯାଉଛି । ତେଣୁ ତାଙ୍କ ବିରୋଧରେ ଅଲଗା ଢଙ୍ଗରେ କାର୍ଯ୍ୟାନୁଷ୍ଠାନ ହୋଇପାରେ ବୋଲି ମଧ୍ୟ ଆଲୋଚନା ହେଉଛି ।

ଭିତରେ ଭିତରେ ଗୁମୁରୁଥିବା ଅଖା ଦୁର୍ନୀତିରେ ଦାମଙ୍କ ପୁଅ ସଂପୃକ୍ତ ଅଛନ୍ତି ବୋଲି କଥା ଉଠିଥିଲା । ହୁଏତ ଏହି ଦୁର୍ନୀତିର ଭିଜିଲାନ୍ସ ତଦନ୍ତ ନିର୍ଦ୍ଦେଶ ଦିଆଯାଇପାରେ । କଣ୍ଟାକୁ କଣ୍ଟାରେ କାଢିବା ନ୍ୟାୟରେ ଯେଉଁ ଦୁର୍ନୀତି କଥା କହି ଦାମ ବାହାବା ନେଉଛନ୍ତି ସେହି ଦୁର୍ନୀତି ଅଭିଯୋଗରେ ତାଙ୍କୁ ବିଦା କରିବା ଉଚିତ୍ ହେବ ବୋଲି ମଧ୍ୟ ଦଳ ବିଚାର କରୁଛି ।

   Related Posts