ନୂଆଦିଲ୍ଲୀ ୧୯।୦୫: ଗରମ ଦିନେ ଲସି ପିଇବାକୁ ପସନ୍ଦ କରୁଛନ୍ତି ଲୋକେ । କିନ୍ତୁ ଏହା ସ୍ବାସ୍ଥ୍ୟ ପାଇଁ ଖୁବ୍ ହାରିକାରକ । ଯଦି ଖାଦ୍ୟ ଖାଇବା ପରେ ଲସି ପିଉଛନ୍ତି ତେବେ ଏହା ଶରୀରକୁ ଅନେକ କ୍ଷତି ପହଞ୍ଚାଇପାରେ। କେବଳ ଏତିକି ନୁହେଁ, ରାତିରେ ଶୋଇବା ପୂର୍ବରୁ ଲସି ପିଅନ୍ତି, ତେବେ ଏହା ଅନେକଙ୍କୁ ଅସୁବିଧାରେ ପକାଇପାରେ।
ଡାକ୍ତରଙ୍କ ମତରେ ମଧୁମେହ ରୋଗୀ ଲସି ପିଇବା ଦ୍ବାରା ସୁଗାର ସ୍ତର ବଢାଇଦିଏ । ଏହା କିଡ୍ନୀ ଉପରେ ଖରାପ ପ୍ରଭାବ ପକାଇପାରେ । ତେଣୁ ମଧୁମେହ ରୋଗୀ ଲସି ପିଇବା ଠାରୁ ଦୂରେଇ ରହିବା ଉଚିତ।
ଲସିରେ ଫ୍ୟାଟ୍ ମିଲ୍କ୍, ଚିନି, ଲୁଣ ଏବଂ ମସଲା ବ୍ୟବହୃତ ହୁଏ, ଯାହା କ୍ୟାଲୋରୀ ଗ୍ରହଣରେ ପ୍ରଭାବ ପକାଇପାରେ । ଏହି କାରଣରୁ ଶୀଘ୍ର ଓଜନ ବଢିପାରେ । ଲସିରେ ପ୍ରୋଟିନ ଥିବାରୁ ଏହାକୁ ପିଇବା ପରେ ନିଦ ଆସିପାରେ । ଆଉ ଶୋଇବା ପରେ ଏହାକୁ ହଜମ କରିବା କଷ୍ଟକର ହୋଇପାରେ। ତେଣୁ ଶୋଇବା ପୂର୍ବରୁ ଲସି ପିଇବା ଠାରୁ ଦୂରେଇ ରହିବା ଉଚିତ।
ଗ୍ରୀଷ୍ମ ଋତୁରେ ଥଣ୍ଡା ଲସି ପିଇବା ଦ୍ବାରା କାଶ, କଫ, ଥଣ୍ଡା ଏବଂ ଜର ଭଳି ସମସ୍ୟା ସୃଷ୍ଟି କରିପାରେ। ଏହାବ୍ୟତୀତ ଅଧିକ ମାତ୍ରାରେ ଲସି ପିଇବା ଦ୍ବାରା ଚର୍ମ ସମ୍ବନ୍ଧୀୟ ସମସ୍ୟା ସୃଷ୍ଟି ହୋଇଥାଏ । ଯେଉଁମାନଙ୍କର ଏକ୍ଜିମା ପରି ସମସ୍ୟା ଭୋଗୁଛନ୍ତି, ସେମାନେ ଲସି ପିଇବା ଠାରୁ ଦୂରେଇ ରହିବା ଉଚିତ।