oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: ଭଞ୍ଜବିହାର କ୍ୟାମ୍ପସ୍‌ରେ ବାଘ ! ଭୟଭୀତ ଛାତ୍ରଛାତ୍ରୀ ଓ ସ୍ଥାନୀୟ ଲୋକେ, ବନ ବିଭାଗର ପାଟ୍ରୋଲିଂ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୨୨୨ କୋଭିଡ୍ ପଜିଟିଭ୍
  • ||
  • ଭୁବନେଶ୍ୱର : ଉଗ୍ରରୂପ ରୂପ ନେଲା ପାରିବାରିକ କଳହ, ଜୀବନ ହାରିଦେଲେ ଜିଲ୍ଲା ପରିଷଦ ସଭ୍ୟ
  • ||
  • ୫ ଦୋକାନ ଉପରେ ଚଢିଗଲା ସାର ବୋଝେଇ ଟ୍ରକ୍, ଅଳ୍ପକେ ବର୍ତ୍ତିଲେ ୧୪ କର୍ମଚାରୀ
  • ||
  • ପୂଜାରେ ଭିଜିବ ପାର୍ବଣ, ଲଘୁଚାପ ପ୍ରଭାବରେ ୨୬ରୁ ୨୯ ଯାଏ ନିର୍ଦ୍ଧୁମ ଛେଚିବ
  • ||

ଋଷଭ ପନ୍ତଙ୍କ ମୁସ୍କିଲ ବଢାଇଲେ ଦିନେଶ କାର୍ତ୍ତିକ, ବ୍ୟାଟିଂ ହାର ଏବଂ ଷ୍ଟ୍ରାଇକ୍ ରେଟ୍‌ରେ ଉଡ଼ାଇଲେ ନିଦ

17/04/2022 at 7:02 PM

ମୁମ୍ଵାଇ ୧୭।୦୪: ଆଇପିଏଲ ୨୦୨୨ରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ଓ୍ଵିକେଟ୍ କିପର ବ୍ୟାଟସମ୍ୟାନ ଦିନେଶ କାର୍ତ୍ତିକଙ୍କ ବ୍ୟାଟ୍ ଖୁବ୍ ଗର୍ଜୁଛି। ଏ ପର୍ଯ୍ୟନ୍ତ ୬ଟି ମ୍ୟାଚ୍‌ରୁ କାର୍ତ୍ତିକ ମାତ୍ର ଥରୁଟିଏ ଆଉଟ୍ ହୋଇଛନ୍ତି ଏବଂ ପାଖାପାଖି ୨୦୦ ରନ କରିଛନ୍ତି। ଆରସିବି ପକ୍ଷରୁ ସେ ଗୋଟିଏ ପରେ ଗୋଟିଏ ମ୍ୟାଚ୍ ବିଜୟୀ ଇନିଂସ ଖେଳୁଛନ୍ତି। ଏଥିରେ ଓ୍ଵିକେଟ୍ କିପର ବ୍ୟାଟସମ୍ୟାନ ଋଷଭ ପନ୍ତଙ୍କ ମୁସ୍କିଲ ବଢିବାରେ ଲାଗିଛି।

ଭାରତୀୟ ଦଳ ଆଇପିଏଲ ୨୦୨୨ ପରେ ଏସିଆ କପ୍ ଏବଂ ଟି-୨୦ ବିଶ୍ଵ କପ୍ ପରି ଟୁର୍ଣ୍ଣାମେଣ୍ଟ ଖେଳିବ। ଆଇପିଏଲ ସରିବା ପୂର୍ବରୁ ଯଦି ଋଷଭ ପନ୍ତ ନିଜର ଲୟ ଫେରି ନପାଆନ୍ତି ତେବେ ଭାରତୀୟ ଦଳରେ ଦିନେଶ କାର୍ତ୍ତିକଙ୍କ ପ୍ରତ୍ୟାବର୍ତ୍ତନ ହୋଇପାରେ। ଏହା କହିବା ବର୍ତ୍ତମାନ ତରବରିଆ ହୋଇପାରେ, ମାତ୍ର ଏ ପର୍ଯ୍ୟନ୍ତ ଆଇପିଏଲର ୧୫ତମ ସିଜିନରେ ଦିନେଶ କାର୍ତ୍ତିକଙ୍କ ବ୍ୟାଟରୁ ଅଗ୍ନି ବର୍ଷା ହେଉଥିବା ବେଳେ ଅନ୍ୟପଟେ ପନ୍ତ ଆଶାନୁରୂପ ପ୍ରଦର୍ଶନ କରି ପାରି ନାହାନ୍ତି।

ଆଇପିଏଲ ୨୦୨୨ର ୬ଟି ଇନିଂସରେ ଆରସିବି ପାଇଁ ଦିନେଶ କାର୍ତ୍ତିକ ନିମ୍ନ କ୍ରମରେ ବ୍ୟାଟିଂ କରି ୬ଟି ଇନିଂସରୁ ୧୯୭  ହାରରେ ୧୯୭ ରନ କରିଛନ୍ତି। ଷ୍ଟ୍ରାଇକ୍ ରେଟ୍ ୨୧୦ ରହିଥିବା ବେଳେ ବ୍ୟାଟରୁ ୧୮ ଚୌକା ଏବଂ  ୧୪ ଛକା ନିର୍ଗତ ହୋଇଛି। ଅନ୍ୟପଟେ ଦିଲ୍ଲୀ କ୍ୟାପିଟାଲ୍ସର ଅଧିନାୟକ ତଥା ଓ୍ଵିକେଟ୍ କିପର ବ୍ୟାଟସମ୍ୟାନ ପନ୍ତ ୫ଟି ଇନିଂସରେ ୩୬  ହାରରେ ୧୪୪ ରନ କରି ପାରିଛନ୍ତି। ଷ୍ଟ୍ରାଇକ୍ ରେଟ୍ ୧୪୭ ରହିଛି। ଏ ପର୍ଯ୍ୟନ୍ତ ତାଙ୍କ ବ୍ୟାଟରୁ ବାହାରିଛି ୧୫ ଚୌକା ଏବଂ ୬ ଛକା।

୨୦୧୯ ବିଶ୍ଵ କପ୍ ସେମି ଫାଇନାଲ୍ ମ୍ୟାଚ୍ ପରେ ଦିନେଶ କାର୍ତ୍ତିକଙ୍କୁ ଭାରତୀୟ ଦଳରେ ସ୍ଥାନ ମିଳିନାହିଁ। ଏମଏସ ଧୋନୀ ଅବସର ନେଇ ସାରିଛନ୍ତି। ତେଣୁ ଋଷଭ ପନ୍ତ ପ୍ରଥମ ପସନ୍ଦର ଓ୍ଵିକେଟ୍ କିପର ବ୍ୟାଟସମ୍ୟାନ ରହି ଆସିଛନ୍ତି। ମାତ୍ର ଦିନେଶ କାର୍ତ୍ତିକ ଆଇପିଏଲ ୨୦୨୨ରେ ଏ ପର୍ଯ୍ୟନ୍ତ କରିଥିବା ପ୍ରଦର୍ଶନରେ ଋଷଭ ପନ୍ତଙ୍କ ନିଦ ଉଡାଇ ଦେଇଛି। ଯଦି ପନ୍ତ ଶୀଘ୍ର ବଡ ଇନିଂସ ନଖେଳନ୍ତି ତେବେ ତାଙ୍କ ଉପରେ ନିଶ୍ଚୟ ଚାପ ପଡିବ।

   Related Posts