oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସରକାରୀ ଜମି ବିବାଦକୁ ନେଇ ଗୋଷ୍ଠୀ ସଙ୍ଘର୍ଷ ମାମଲା, ଉଭୟ ପକ୍ଷରୁ ୧୨ ଗିରଫ

22/08/2020 at 8:28 PM

ଦିଗପହଣ୍ଡି, ୨୨|୦୮:  ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ଅନ୍ତର୍ଗତ ଭୀଷ୍ମଗିରି ଗ୍ରାମ କଲେଜ ପଡିଆଠାରେ ସରକାରୀ ଜମି ବିବାଦକୁ ନେଇ ଦୁଇଗୋଷ୍ଠୀ ସଂଘର୍ଷ ମାମଲାରେ ୧୨ ଜଣଙ୍କୁ ଗିରଫ କରାଯାଇଛି । ଶନିବାର ସେମାନଙ୍କୁ କୋର୍ଟଚାଲାଣ କରାଯାଇଛି।

ସୂଚନାନୁସାରେ, ଭୀଷ୍ମଗିରି ପଞ୍ଚାୟତ ଅଧିନରେ ଥିବା ନନ୍ଦକିଶୋର ଗୋଶାଳା ଅନୁଷ୍ଠାନର ଜମିରେ ଗ୍ରାମ୍ୟ କମିଟିର ସହମତିରେ ପାର୍କ ଓ ଗୋଷ୍ଠୀ ପାଇଖାନା ନିର୍ମାଣ ନିମନ୍ତେ ବ୍ଲକ ପ୍ରଶାସନ ପକ୍ଷରୁ ସ୍ଥାନ ନିରୂପଣ କରିଥିଲା । ତେବେ ସେହି ଜମିରେ ବେଆଇନ ଭାବେ ଗତ କିଛିବର୍ଷ ହେଲା ଏକ ଘରୋଇ ଶିକ୍ଷାନୁଷ୍ଠାନ ଚାଲିଛି । ଜମିରେ ସରକାରୀ ପ୍ରକଳ୍ପ ନିର୍ମାଣକୁ ବିରୋଧକରି ଉକ୍ତ ଜମିକୁ ନିଜ ଅକ୍ତିଆରକୁ ନେବାପାଇଁ ଗୋଟିଏ ଗୋଷ୍ଠୀର ଲୋକେ ଉଦ୍ୟମ ଚଳାଇଥିବା ଅଭିଯୋଗ ମଧ୍ୟ ହୋଇଛି । ଜମି ନିକଟରୁ ବହୁ ଦୂରରେ ଥିବା ମାଁ ଦୁଆରଶୁଣି ମନ୍ଦିର ପାଇଁ ବଳପୂର୍ବକ ଉକ୍ତ ଜମିକୁ ଜବରଦଖଲପାଇଁ ବୁଧବାର ରାତିରେ ଅନ୍ୟ ଗୋଷ୍ଠୀର କିଛି ବ୍ୟକ୍ତି ବାଉଁଶ ଘେରା କରିଥିଲେ । ଏହି ଖବରପାଇ ଅନ୍ୟ  ଗୋଷ୍ଠୀର ଲୋକେ ଜମି ନିକଟକୁ ଯାଉଥିବା ବେଳେ ଅପର ଗୋଷ୍ଠୀର ବହୁ ସଂଖ୍ୟକ ମହିଳା ଓ ପୁରୁଷ ବିଭିନ୍ନ ମାରଣାସ୍ତ୍ର ଧରି ସେମାନଙ୍କୁ ରାସ୍ତାରେ ଅଟକାଇ ଅତର୍କିତ ଆକ୍ରମଣ କରିଥିଲେ ।

ଯାହାଫଳରେ ଉଭୟ ଗୋଷ୍ଠୀ ପକ୍ଷରୁ ୧୫ ରୁ ୧୮ ଜଣ ବ୍ୟକ୍ତି ଆହତ ହୋଇଥିଲେ । ଘଟଣାପରେ ଗ୍ରାମରେ ଚାପା ଉତ୍ତେଜନା ଲାଗିରହିଥିଲା । ଦିଗପହଣ୍ଡି ଥାନା ଅଧିକାରୀଙ୍କ ନେତୃତ୍ୱରେ ଗ୍ରାମରେ ୨ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଥିଲା । ଏନେଇ ଉଭୟ ଗୋଷ୍ଠୀ ପକ୍ଷରୁ ଦିଗପହଣ୍ଡି ଥାନାରେ ଏତଲା ଦିଆଯାଇଥିଲା । ଘଟଣାପରେ ବ୍ରହ୍ମପୁର ଅତିରିକ୍ତ ଏସ ପି ପ୍ରଶାନ୍ତ କୁମାର ମିଶ୍ର ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରି ଫେରିଥିବା ବେଳେ ଅପରାହ୍ନରେ ଚିକିଟି ଏସଡିପିଓ ଦିଗପହଣ୍ଡି ତହସିଲଦାର, ଅତିରିକ୍ତ ତହସିଲଦାର , ରାଜସ୍ୱ ନିରୀକ୍ଷକ ଗ୍ରାମରେ ପହଞ୍ଚି ସ୍ଥାନୀୟ ସରପଞ୍ଚଙ୍କ ସହ ଆଲୋଚନା କରି ଫେରିଥିଲେ ।

ପୋଲିସ ପକ୍ଷରୁ ଉଭୟ ଗୋଷ୍ଠୀର ମୁଖିଆ ମାନଙ୍କୁ ଥାନାକୁ ଡକାଯାଇ ମାମଲାର ଆପୋଷ ସମାଧାନ ପାଇଁ ଉଦ୍ୟମ ଚାଲିଥିବା ପାଇଁ ପ୍ରୟାସ ଜାରି ରଖିଥିଲା । ତେବେ ଶୁକ୍ରବାର ଦିଗପହଣ୍ଡି ପୋଲିସ ଉଭୟ ଗୋଷ୍ଠୀର ୧୨ ଜଣକୁ ଗିରଫ କରି ପୃଥକ ଥାନା ମାମଲା ନଂ ୧୭୮/୨୦ ଓ ୧୭୯/୨୦ ଅନୁସାରେ ମାମଲା ରୁଜୁ କରି କୋର୍ଟଚାଲାଣ କରିଥିବା ଜଣାପଡିଛି । ଘଟଣାକ୍ରମେ ଦିଗପହଣ୍ଡି ପୋଲିସ ଥାନାରେ ଶନିବାର ସୁଦ୍ଧା ଦୁଇ ଗୋଷ୍ଠୀ ମଧ୍ୟରେ ମାମଲା ସମାଧାନ ହୋଇଥିଲେ ମଧ୍ୟ ଗ୍ରାମରେ ଆଶିଂକ ଉତ୍ତେଜନା ଲାଗି ରହିଛି । ବର୍ତ୍ତମାନ ସୁଦ୍ଧା ଗ୍ରାମରେ ଏକ ପୋଲିସ ପ୍ଳାଟୁନ ମୃତୟନ ରହିଥିବା ଥାନା ଅଧିକାରୀ ବସନ୍ତ କୁମାର ସେଠୀ ସୂଚନା ପ୍ରଦାନ କରିଛନ୍ତି ।

   Related Posts