ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ନିର୍ବାଚନ ବିଜୟ ପରେ ଦ୍ବିତୀୟ କାର୍ଯ୍ୟକାଳ ପାଇଁ ପ୍ରସ୍ତୁତ ଡୋନାଲ୍ଡ ଟ୍ରମ୍ପ । ଜାନୁଆରୀ ୨୦ ତାରିଖର ରାଷ୍ଟ୍ରପତି ଭାବେ ଶପଥ ନେବେ ଟ୍ରମ୍ପ । ହେଲେ ଏହା ପୂର୍ବରୁ ସେ ନିଜର ସରକାର କରିବାରେ ଗଠନରେ ଲାଗିପଡ଼ିଛନ୍ତି । ଏବେଠୁ ନିଯୁକ୍ତି ପ୍ରକ୍ରିୟା ଆରମ୍ଭ କରିଦେଲେଣି । ସରକାର ଚଳାଇବା ପାଇଁ ଟ୍ରମ୍ପଙ୍କ ନୀତି ଇମିଗ୍ରେସନ ଦିଗରେ ଶକ୍ତ ଇଷାରା ଦେଉଛି । ଏହାର ସିଧାସଖଳ ପ୍ରଭାବ ବେଆଇନ ଭାବେ ଆମେରିକାରେ ରହୁଥିବା ଲୋକଙ୍କ ଉପରେ ପଡ଼ିବ । ସେହିପରି ଏଥିରେ ବହୁ ସଂଖ୍ୟାରେ ପ୍ରବାସୀ ଭାରତୀୟ ପ୍ରଭାବିତ ହେବେ  । 

ସୂଚନା ଅନୁଯାୟୀ, ଡୋନାଲ୍ଡ ଟ୍ରମ୍ପ ଇମିଗ୍ରେସନ ଏବଂ କଷ୍ଟମ୍ ଏନଫୋର୍ସମେଣ୍ଟର ପୂର୍ବ ଚିଫ୍ ଟମ୍ ହାସନଙ୍କୁ ‘ବର୍ଡର ଜାର’ ଭାବେ ନିଯୁକ୍ତି ଦିଆଯାଇଛି । ବର୍ଡର ଏନପୋର୍ସମେଣ୍ଟର ମୁଖ୍ୟ ସମର୍ଥକର ହୋମନ ସିନେଟ୍ ଦକ୍ଷିଣ ଏବଂ ଉତ୍ତର ସୀମାରେ ସମୁଦ୍ର ଏବଂ ଆକାଶମାର୍ଗ ଉପରେ ନଜର ରଖିବେ ।  ସେ ନିଯୁକ୍ତି ପାଇବା ପରେ ଆମେରିକାରେ ସବୁଠାରୁ ବଡ଼ ନିର୍ବାସନ ଅଭିଯାନ ଲାଗୁ କରିବାକୁ ପ୍ରତିଶ୍ରୁତି ଦେଇଛନ୍ତି ।

ଆମେରିକାରେ ଇମିଗ୍ରେସନ ନୀତି ଲାଗୁ ହେବା ପରେ ପ୍ରବାସୀ ଭାରତୀୟଙ୍କ ଟେନସନ ବଢ଼ିଛି । କିଛି ଦିନ ପୂର୍ବରୁ ଆସିଥିବା ଏକ ରିପୋର୍ଟରୁ ଜଣାପଡ଼ିଛି, ଆମେରିକାର ବେଆଇନ ଭାବେ ପ୍ରବେଶ କରୁଥିବା ଭାରତୀୟଙ୍କ ସଂଖ୍ୟା ଅଧିକ । ବିଶେଷ କରି ପଞ୍ଜାବ ଏବଂ ଗୁଜରାଟରୁ ଅଧିକ ସଂଖ୍ୟାରେ ପ୍ରବାସୀ ସୀମା ଡେଇଁ ଆମେରିକାରେ ବେଆଇନ ବସବାସ କରୁଛନ୍ତି । ଏମାନେ ମେକ୍ସିକୋ ଏବଂ କାନାଡା ହୋଇ ବିପଦସଙ୍କୁଳ ଭାବେ ପ୍ରବେଶ କରୁଛନ୍ତି । ମାନବ ତସ୍କରୀ ପାଇଁ ପ୍ରାୟ 70 ହଜାର ଆମେରିକୀୟ ଡଲାର ଖର୍ଚ୍ଚ କରୁଛନ୍ତି । ଡୋନାଲ୍ଡ ଟ୍ରମ୍ପ ହୋମନଙ୍କୁ ଇମିଗ୍ରେସନ ଏବଂ ଡିପୋର୍ଟସନ ବିଭାଗର ପ୍ରଭାରୀ କରିବା ପରେ ନିର୍ବାସନ ସଂଖ୍ୟା ବଢ଼ିବ ବୋଲି ଆଶା କରାଯାଉଛି ।...