ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅର୍ଚ୍ଚନା ନାଗ ଗିରଫ ମାମଲା, ଇଡିକୁ ସବୁ ତଥ୍ୟ ଦେଲା କମିଶନରେଟ୍‌ ପୋଲିସ
  • ||
  • ଧର୍ମଗଡ଼ : ଦୁର୍ଘଟଣାଗ୍ରସ୍ତ ଟ୍ୟାଙ୍କରରୁ ଗ୍ୟାସ୍‌ ଲିକ୍‌, ଯାତାୟତ ବାଧାପ୍ରାପ୍ତ
  • ||

ବିବାହ ସ୍ବର୍ଗରେ ହୁଏ… ବିଧାତାଙ୍କ ସୃଷ୍ଟିରେ ଯାହାକୁ ଯିଏ

15/12/2020 at 5:14 PM

ସୋର ୧୫।୧୨: ପ୍ରଥମେ ଆଖିରେ ଠରାଠରି ତାପରେ ମୋବାଇଲ ନମ୍ବର ଦିଆନିଆ । ସେଇଠୁ ଆରମ୍ଭ ହେଲା ମେସେଜରେ ଚାଟିଂ । ଏହାପରେ ଉଭୟଙ୍କ ମଧ୍ୟରେ ଗଢିଉଠିଲା ପ୍ରେମ ସଂପର୍କ । ଶେଷରେ ଉଭୟ ବିବାହ ବନ୍ଧନରେ ଆବଦ୍ଧ ହେଲେ । ଗ୍ରାମବାସୀ ଓ କିଛି ସ୍ବେଚ୍ଛାସେବୀଙ୍କ ସହାୟତାରେ ଦିବ୍ୟାଙ୍ଗ ଯୁବକ-ଯୁବତୀଙ୍କ ବିବାହ ସମ୍ପନ୍ନ ହୋଇଛି । ଏଭଳି ନିଆରା ବିବାହ ଦେଖିବାକୁ ମିଳିଛି ବାଲେଶ୍ବର ଜିଲ୍ଲା ସୋର ଅଞ୍ଚଳରେ ।

ବାଲେଶ୍ବର ଜିଲ୍ଲା ବାହାନଗା ବ୍ଲକ୍ ଅସିମିଳା ଗ୍ରାମର ସ୍ବର୍ଗତ ତ୍ରୈଲୋକ ମଲିକ ଏବଂ ମୀନତି ମଲିକଙ୍କ ଜ୍ୟେଷ୍ଠ ପୁତ୍ର ପତିତପାବନ ଜନ୍ମରୁ ମୁକବଧିର । ସେ ଭୁବନେଶ୍ବରରେ ଏକ ମୁକବଧିର ବିଦ୍ୟାଳୟରେ ଯୁକ୍ତ ୨ ପର୍ଯ୍ୟନ୍ତ ପାଠପଢିବା ପରେ ରାଜ୍ୟ ବାହାରେ ରହି ପଥର କାମ କରିବା ସାଙ୍ଗକୁ ଲୁହା ଓ୍ବେଲ୍ଡିଂ କାମ ମଧ୍ୟ କରୁଥିଲେ । ଏହାରି ଭିତରେ ଭୁବନେଶ୍ବରରେ ରହୁଥିବା ସୋର ଥାନା ମାଖନପୁର ଅଞ୍ଚଳର ଦୈତାରି ନାୟକଙ୍କ ଝିଅ ସସ୍ମିତାଙ୍କ ସହ ତାଙ୍କର ଦେଖା ହୋଇଥିଲା । ପ୍ରଥମେ ଆଖିରେ ଉଭୟ ଦିବ୍ୟାଙ୍ଗ ଠରାଠରି ପରେ ମୋବାଇଲ ନମ୍ବର ଦିଆନିଆ ହୋଇଥିଲେ । ତାପରେ ମେସେଜରେ ଚାଟିଂ ମାଧ୍ୟମରେ ପ୍ରେମ ସମ୍ପର୍କ ଗଢି ଉଠିଥିଲା । ପରେ ଉଭୟଙ୍କ ପରିବାର ଦୁଇ ଜଣଙ୍କ ଭଲ ପାଇବା ବିଷୟରେ ଜାଣିବାକୁ ପାଇଥିଲେ । ଶେଷରେ ଦୁଇ ଦିବ୍ୟାଙ୍ଗଙ୍କ ବାହାଘର ଉଭୟ ପରିବାର, ଗ୍ରାମବାସୀ ଓ କିଛି ସ୍ଵେଚ୍ଛାସେବୀଙ୍କ ସହାୟତାରେ ଗତ ସୋମବାର ସୋର ସ୍ଥିତ କୁଶଳେଶ୍ବର ମନ୍ଦିରରେ ଅନୁଷ୍ଠିତ ହୋଇଥିଲା ।

ବିବାହ ପରେ ଭୋଜିଭାତର ଆୟୋଜନ ମଧ୍ୟ ହୋଇଥିଲା । ଏହି ବିବାହରେ ପରିବାର, ଗ୍ରାମବାସୀ ଏବଂ ସ୍ବେଚ୍ଛାସେବୀମାନେ ଯୋଗଦେଇ ବରକନ୍ୟାଙ୍କୁ ଆଶିର୍ବାଦ କରିଥିଲେ । ଏହି ବିବାହରେ ଦୁଇ ଦିବ୍ୟାଙ୍ଗଙ୍କ ଅନ୍ୟ ଦିବ୍ୟାଙ୍ଗ ସାଙ୍ଗସାଥୀ ମଧ୍ୟ ଯୋଗଦେବା ସହ ବରକନ୍ୟାଙ୍କୁ ଆଶିର୍ବାଦ ଦେଇଥିଲେ ।

   Related Posts