ନୂଆଦିଲ୍ଲୀ, ୧୫|୦୮: ସଚିନ ତେନ୍ଦୁଲକର ହେଉଛନ୍ତି ସେହି ବ୍ୟାଟସମ୍ୟାନ୍ ଯାହାଙ୍କ ନାମରେ ୧୦୦ଟି ଶତକର ରେକର୍ଡ ରହିଛି । ଏହି ରେକର୍ଡ କେବଳ ସଚିନଙ୍କ ନାମରେ ରହିଛି । ତେବେ ମାଷ୍ଟର ବ୍ଲାଷ୍ଟର ସଚିନଙ୍କ ପାଇଁ ଅଗଷ୍ଟ ୧୪ ବହୁତ ଗୁରୁତ୍ୱପୂର୍ଣ୍ଣ । କାରଣ ଏହି ଦିନରେ ସେ ପ୍ରଥମ ଶତକ ଅର୍ଜନ କରିଥିଲେ । ସେ ନିଜ ପ୍ରଥମ ଶତକକୁ ମନେ ପକାଇ ପ୍ରଶଂସକଙ୍କ ଅନେକ ପ୍ରଶ୍ନର ଉତ୍ତର ରଖିଛନ୍ତି । ଏହାସହ ସେ ନିଜ ସମାଲୋଚକଙ୍କ ମୁହଁ ବନ୍ଦ କରିଦେଇଛନ୍ତି ।
ନିଜ ପ୍ରଥମ ଶତକର ୩୦ ବର୍ଷ ପୂର୍ତ୍ତି ଅବସରରେ ସଚିନ କହିଛନ୍ତି ଯେ, ସେ ଯେବେ ପ୍ରଥମ ଶତକ ଅର୍ଜନ କରିଥିଲେ ସେ ଜାଣିନଥିଲେ ଯେ ଆହୁରି ୯୯ଟି ଶତକ ଲଗାଇବା ବାକି ରହିଛି । ଯେତେବେଳେ ୯୯ତମ ଶତକ ଲଗାଇଲେ ସେ ଆଉ ଏକ ଶତକ ଲଗାନ୍ତୁ ବୋଲି ପ୍ରଶଂସକମାନେ ଚାହିଁଲେ । ସେମାନେ ଭୁଲିଗଲେ କି ଗୋଟିଏ ଶତକ ବାକି ଥିଲେ ମଧ୍ୟ ଆହୁରି ୯୯ ଶତକ ଅର୍ଜନ କରିଛନ୍ତି ।
wp:html/wp:htmlScoring my 1st ever 1️⃣0️⃣0️⃣ was very special as we managed to save the Test & keep the series alive, and it all happened on the eve of our Independence Day. ??
— Sachin Tendulkar (@sachin_rt) August 14, 2020
It's been my privilege to play for India and I thank each one of you for your love & support over the years. pic.twitter.com/oTNUESifUs
ସେ ଆହୁରି କହିଛନ୍ତି ଯେ, ପ୍ରଥମ ଶତକ ତାଙ୍କ ପାଇଁ ବହୁତ ଖାସ୍ ଥିଲା । ଏହି ଶତକ ଦ୍ୱାରା ଭାରତ ଟେଷ୍ଟ୍ ସିରିଜ ଜିତିବା ଆଶା ଉଜ୍ଜୀବିତ ରଖିଥିଲା । ଭାରତ ପାଇଁ ଖେଳିବା ତାଙ୍କ ପାଇଁ ଗର୍ବର ବିଷୟ । ଏହାସହ ଦେଶବାସୀଙ୍କ ଭଲ ପାଇବା ଓ ସମର୍ଥନ ପାଇଁ ସେ ଧନ୍ୟବାଦ ଜଣାଇଛନ୍ତି ।